Peja ka fituar derbin e javës së 12-të në basketbollin kosovar, duke e mposhtur Trepçën në udhëtim me shifrat 68:71.
Kjo ndeshje solli edhe momente tensioni te tifozët, ku ata të Trepçës sulmuan basketbollistët e Pejës, kur rezultati ishte 38:52 në disfavor të tyre.
Ndeshja u ndërpre për disa momente, derisa disa tifozë të tifo grupit mitrovicas, Torcida, u larguan nga salla.
Ndeshja në Mitrovicë ishte interesante, ku pejanët kishin epërsi deri në 15 pikë, por më pas u rikthyen mitrovicasit, megjithatë hero ishte Rodney Purvis me tre pikësh në sekondat e fundit.
Mysafirët e nisën ndeshjen më mirë me një seri prej 0:9 dhe gjatë gjithë çerekut të parë ishin në epërsi, duke e fituar këtë pjesë 18:22.
Në periudhën e dytë rikthehen vendasit, që ngushtuan shifrat dhe kaluan në epërsi 26:25, por më pas verdhezinjtë sërish u shkëputën për të shkuar në pushim me dhjetë pikë epërsi 29:39.
Në periodën e tretë në periodën e tretë, epërsia e mysafirëve shkoi deri në 15 pikë, 34:49, por mitrovicasit ngushtuan paksa epërsinë, ku shifrat në semafor pas 30 minutash ishin 43:54.
Në dhjetë minutat e fundit ndodhi drama, ku ‘Xehetarët’ u rikthyen dhe kaluan në epërsi 64:62, afër katër minuta nga fundi dhe ndeshja deri në fund ishte e baraspeshuar, ndërsa hero u bë ish-basketbollisti i Trepçës, tani i Pejës, Rodney Purvis, i cili në sekondat e fundit shënoi për 68:71.
Te Trepça u dalluan Ken Brown me 21 pikë dhe Drilon Hajrizi me 16, ndërsa te Peja më i miri ishte Brad Waldow me 22 pikë e 16 kërcime, kurse Purvis e ndihmoi me 14 pikë.
Mitrovicasit kanë gjashtë fitore e gjashtë humbje, kurse pejanët nëntë fitore e dy humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Publikohen rezultatet e para: “Fronti Evropian” në avantazh ndaj “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
A do jap Taravari dorëheqje ashtu siç premtoi para zgjedhjeve?