Gjermania duhet të jetë gati për një sulm të mundshëm në sfondin e pushtimit rus të Ukrainës.
Kështu deklaroi ministrja gjermane e Mbrojtjes, Christine Lambrecht, duke cituar transmetuesin gjerman “Deutsche Welle”.
“Ne duhet të jemi gati të mbrojmë Gjermaninë dhe territorin e Aleancës”, tha Lambrecht në një intervistë me gazetat “Rheinische Post” dhe “General-Anzeiger”.
E pyetur nga gazetarët për të komentuar vërejtjet e Inspektorit të Përgjithshëm të Bundeswehr-it (Forcat e Armatosura), Eberghard Zorn se Gjermania duhet të jetë e përgatitur në rast se e gjen veten të përfshirë në një luftë të imponuar ndaj saj, Lambrecht tha: “Mbrojtja ka qenë gjithmonë një detyrë kryesore e Bundeswehr-it. Të gjithë duhet ta kuptojnë këtë përsëri”.
Gjithashtu, sipas Lambrecht, Bundeswehr-i do të jetë në gjendje të sigurojë mbrojtjen e Gjermanisë në rast nevoje.
Në të njëjtën kohë, ajo shprehu besimin se partnerët e NATO-s do ta ndihmojnë Gjermaninë.
“Bundeswehr nuk do të duhet kurrë të mbrojë Gjermaninë vetëm, ne do të kemi gjithmonë aleatët tanë në anën tonë dhe forcat e armatosura në Aleancë janë sigurisht të afta të mbrojnë Gjermaninë”, shpjegoi zyrtarja gjermane.
Për më tepër, Gjermania “mund dhe duhet të bëhet më e mirë në të gjitha fushat”, veçanërisht në fushën e mbrojtjes ajrore, ku, sipas saj, ka mangësi në Evropë.
Kujtojmë, në fund të tetorit, kundërzbulimi ushtarak i Gjermanisë (MAD) raportoi për rritjen e aktivitetit të inteligjencës së huaj në vend.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiç: Shanset e Kosovës për anëtarësim në KiE janë të mëdha
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
5 njësi të Ushtrisë Izraelite përgjegjëse për shkelje të rënda të të drejtave të njeriut, thonë SHBA-të
-
Në prag të zgjedhjeve: Cilat janë grupimet evropiane
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës