Përafrimi i mëtejshëm i Serbisë me Rusinë është një hap në drejtimin e gabuar dhe në kundërshtim me aspiratat evropiane të deklaruara nga ana e saj.
Kështu ka deklaruar një zëdhënës i Departamentit Amerikan të Shtetit (DASH) për mediumin “Zëri i Amerikës”, teksa ka shtuar se DASH e cilëson të gabuar nënshkrimin e marrëveshjes mes Serbisë dhe Rusisë javën e kaluar.
“SHBA-të besojnë se asnjë vend nuk duhet të zgjerojë bashkëpunimin me Rusinë ndërkohë që ajo vazhdon agresionin e saj në Ukrainë”, tha ai.
Të premten ministri i Jashtëm serb, Nikola Selakoviç nënshkroi marrëveshjen për “konsultime” të ndërsjella mbi çështjet e politikës së jashtme me ministrin e jashtëm rus, Sergey Lavrov.
Më herët, ambasadori amerikan në Beograd, Christopher Hill, deklaroi se marrëveshja e nënshkruar ndërmjet Serbisë dhe Rusisë ka për qëllim të hartojë një plan për konsultim të dy ministrive të punëve të jashtme të dy vendeve për dy vitet e ardhshme nuk përmban asnjë risi.
Për të, plani konsultativ nuk ka asgjë të veçantë, por se Rusia dëshironte që ajo ta justifikonte luftën e saj në Ukrainë.
Sipas diplomatit veteran amerikan, nënshkrimi i një marrëveshjeje të tillë me Rusinë është e pazakontë dhe sipas tij në këtë rast pyetja duhet të jetë pse Rusia po nënshkruan diçka me Serbinë, kur Moska duhet të fokusohet ta ndërpresë luftën në Ukrainë.
Zbulohet përmbajtja e dokumentit që nënshkruan Serbia me Rusinë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
-
Kalvari i vuajtjeve të 25-vjeçarit në Miami, mes torturave në burg dhe talljeve të efektivëve
-
Haradinaj: Përgjithmonë krenar me heroizmin dhe mirënjohës për sakrificën e popullit tonë për liri
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Policia gjen kamera ilegale në kufi me Serbinë, dyshohet se përdoreshin nga kontrabanduesit