Kreu i Partisë Demokratike të Kosovës, Memli Krasniqi ka refuzuar të takohet me kryeministrin e Kosovës, Albin Kurti.
Arsyeja e refuzimit të kësaj ftesë nga lideri i PDK-së vjen pasi ai konsideron se nuk ka një situatë emergjente.
“Por, nuk konsideroj se në këtë moment ka një situatë emergjente për t’u takuar e për të diskutuar për këto përgjegjësi tuajat”.
Krasniqi këtë e ka bërë të ditur përmes një shkrimi në rrjetin social ‘Facebook’.
“Qëndrimi i Partisë Demokratike të Kosovës mbetet i njëjtë dhe konsistent, në mbështetje të Dialogut, të fokusuar në arritjen e marrëveshjes finale, që sjell njohjen e ndërsjellë ndërmjet Republikës së Kosovës dhe Serbisë dhe që mundëson anëtarësimin e Kosovës në OKB, NATO dhe BE, duke ruajtur sovranitetin dhe integritetin territorial të vendit tonë”, ka shkruar ai.
Ai është shprehur se sa i përket dialogut PDK i ka jepur hapësirë të mjaftueshme Qeverisë.
“Në procesin e Dialogut ne ju kemi dhënë hapësirën e nevojshme, juve dhe Qeverisë, për të kryer detyrat tuaja në mbrojtje të interesave të vendit, duke konsideruar se ky proces është i pa alternativë për arritjen e paqes dhe qëllimeve tona shtetërore”.
“Sepse, Dialogun me Serbinë asnjëherë nuk e kemi parë si betejë të brendshme politike”.
Krasniqi, ka treguar gatishmëri për takimet e ardhshme por vetëm atëherë kur të ketë avancim në këtë drejtim.
“Megjithatë, unë mbetem i hapur dhe i gatshëm që të takohem me ju në momentin kur të ketë avancim të procesit të Dialogut dhe diskutim konkret për arritjen e marrëveshjes finale, që ka për qëllim njohjen e ndërsjellë”.
Ndryshe, kryetari i Lidhjes Demokratike të Kosovës, Lumir Abdixhiku, ka pranuar që të takohet me kryeministrin e Kosovës, Albin Kurtin për të folur për procesin e dialogut mes Kosovës dhe Serbisë, ndonëse e ka vlerësuar ftesën nga kryeqeveritari “si të vonshme”.
Edhe, kryetari i Aleancës për Ardhmërinë e Kosovës, Ramush Haradinaj, ka thënë se ka pranuar të takohet me kryeministrin e Kosovës, Albin Kurtin, pasi ky i fundit i bëri ftesë për ta informuar për procesin e dialogut me Serbinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekskluzive: Franca kërkon shtyrje të vendimit për anëtarësim të Kosovës në KiE
-
SHBA-të kundër pushtimit të Rafahut, pro armëpushimit dhe të shqetësuara për mbylljen e Al Jazeera në Izrael
-
Osmani: Investimet e MCC-së sollën përfitime të rëndësishme për popullin e Kosovës
-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin