Besian Mustafa, djali i Xhemail Mustafës, flet për Dosjet e UNMIK-ut të publikuara nga Albanian Post
Djali i aktivistit të vrarë të Lidhjes Demokratike të Kosovës, Xhemail Mustafa, Besian Mustafa, ka folur për dosjet e publikuar nga Albanian Post muajin e kaluar, ku përmenden edhe inicale të një ish-deputeti që dyshohej nga UNMIK-u për vrasjen e babait të tij në vitin 2000.
Mustafa gjatë një intervistë për Kanal 10 të martën, tha se nuk ka biseduar asnjëherë me deputetin në fjalë për vrasjen e babait.
Por, shtoi se për të me rëndësi është që të distancohet partia ku ka vepruar ish-deputeti, nëse konfirmohet se ai ka gisht në vrasje.
“E rëndësishme për mua është, nëse ai që ka dhënë urdhër ka qenë anëtar i një partie politike, cili do jetë veprimi i asaj partie politike, të zgjedh ta përjashtojë, ta lëçis atë anëtar, të distancohet nga ai anëtar, të thotë që veprimet e atij anëtari s’kanë të bëjnë me vlerat e partisë ose mund ta heshtin ose ta mbrojnë atë anëtar”, tha Mustafa.
Ai u po ashtu deklaroi se ka dëgjuar vetëm nëpërmjet mediave për Fadil Syleviqin, të dyshuarin tjetër për vrasjen e të atit, i cili u gjet i vdekur me 15 janar të këtij viti afër liqenit të Badovcit që gjendet në magjistralen Prishtinë – Gjilan.
Mustafa tha se nuk e ka takuar asnjëherë Syleviqin.
Anëtari i kryesisë në dorëheqje të LDK-së, potencoi se janë përmendur shumë emra për vrasjen e babait të tij, por se i mbetet drejtësisë ta thotë fjalën e saj.
Tani shpresën e fundit Mustafa thekson se e ka te Gjykata Speciale, pasi vendorët “dështuan ta ndriçonin këtë rast”.
“Drejtësinë do të donim ta kishim nga organet e vendit, por në dështim të tyre presim nga Gjykata Speciale”.
“Presim drejtësi nga Gjykata Speciale, nëse edhe kjo nuk i zbardh dhe dënon urdhërdhënësit kemi problem si shoqëri”.
Dosja e UNMIK-ut për ish-deputetin me inicialet S.R (emër i njohur për redaksinë) që ka siguruar Albanian Post flet për vrasjen e Xhemail Mustafës (23 nëntor, 2000), ish-anëtarit të Lidhjes Demokratike të Kosovës që ishte edhe zëdhënës i partisë dhe këshilltar i lartë për media i presidentit të atëhershëm Ibrahim Rugova, atë të Ekrem Rexhës (8 maj, 2000), ish-pjesëtar i Ushtrisë Çlirimtare të Kosovës dhe atentatin ndaj Fetah Rudit (15 dhjetor, 2000), ish-deputet i LDK-së.
Dosja për S.R., është përpiluar nën dyshimin për “frikësim dhe dyshim i bazuar për organizim të vrasjeve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti i thotë Scholzit se shpreson në “mbështetjen e palëkundur” të Gjermanisë për anëtarësimin e Kosovës në Këshillin e Evropës
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Knaus konsideron se draft-statuti aktual ‘shkel’ Kushtetutën e Kosovës dhe kapërcen ‘vijat e kuqe’ të SHBA-së
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti i thotë Scholzit se shpreson në “mbështetjen e palëkundur” të Gjermanisë për anëtarësimin e Kosovës në Këshillin e Evropës