Në redaksinë e të mirënjohurës britanike, “The Guardian” ka mbërritur një letër.
Një artikull i publikuar nga “The Guardian” javë më parë tërhoqi vëmendjen e ish-aktores britanike, Carole Gray.
“Kthimi i Shqipërisë një destinacion turistik me plazhe, male, qytete antike dhe çmime të ulëta”, ishte ky titulli që ngacmoi kujtesën e Gray-t.
Ajo rikujton një ndër paketat e para turistike për pushime në Shqipëri, që u zgjodh nga prindërit e saj në fund të viteve 1980.
Udhëtimi i tyre nga Mbretëria e Bashkuar nisi me karvan dhe ishte një largim i shumëpritur.
Asokohe nuk mund të fluturoje në Shqipëri, kështu që prindërit e saj udhëtuan për në aeroportin më të afërt dhe i hipën në një karrocë për të kaluar kufirin.
Ish-aktorja mban mend rrëfimet e nënës, kur i kishte thënë se në kufirin shqiptar i kishin konfiskuar revistën “She”, pasi ajo konsiderohej si pornografike.
Diçka e kishte ndjekur nënën e saj gjatë vizitës në Shqipëri.
E ajo diçka ishte një vezë e zier.
Një ditë ajo nuk mundi të përballej me një vezë tjetër të zier për mëngjes dhe e la atë.
Vetëm disa çaste më pas ajo u ndoq nga pronari i hotelit, i cili donte t’i jepte vezën, pasi mendoi se ajo kishte harruar ta merrte me vete.
“Në një farë mënyre, nëna ime filloi të fliste me një grup shqiptarësh në sheshin e një qyteti të vogël”.
Prindërit e Gray-t e gjetën veten papritur në mesin e një dasmë që kishte nisur gjatë mbrëmjes.
Bashkëshortët nuk flisnin shqip e asnjë nga të ftuarit në dasmë nuk fliste anglisht.
Por ata kaluan një kohë të mrekullueshme dhe u kuptuan më së miri.
“Nëna ime gjithmonë fliste me shumë dashuri për atë festë dhe popullin shqiptar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE