Qeveria amerikane beson se Irani mund të përpiqet të vrasë zyrtarë aktualë ose ish-zyrtarë të lartë amerikanë për t’u hakmarrë për vrasjen e komandantit të lartë Qassem Soleimani.
Lajmi u bë i ditur nga faqja “Yahoo News”, duke cituar një raport të inteligjencës amerikane.
Në janar të vitit 2020, administrata Trump kreu një sulm me dron që vrau gjeneralmajorin iranian ndërsa ai po udhëtonte në Irak.
Që atëherë, regjimi në Teheran ka kërcënuar me hakmarrje ndaj atyre që i konsideron përgjegjës dhe ka bërë një sërë kërcënimesh kundër zyrtarëve amerikanë.
“Regjimi iranian po zhvillon një fushatë të shumëanshme – duke përfshirë kërcënimet për veprime vdekjeprurëse, manovra ligjore ndërkombëtare dhe lëshimin e urdhër-arresteve dhe sanksioneve iraniane – kundër zyrtarëve të zgjedhur amerikanë për t’u hakmarrë për vdekjen e komandantit të IRGC-QF Soleimani në janar 2020, duke ngritur kërcënim brenda dhe jashtë vendit për ata që Irani i sheh si përgjegjës për vrasjen”, thuhet në raport.
IRGC-QF është Forca Quds e Korpusit të Gardës Revolucionare Islamike, e cila është pjesë e ushtrisë së Iran-it.
Qendra Kombëtare e Kundër Terrorizmit, e cila prodhoi raportin e inteligjencës së qershorit, nuk pranoi të komentojë për agjencinë e lajmeve.
Ndërsa, Shërbimi Sekret i SHBA-ve nuk iu përgjigj menjëherë një kërkese për koment.
Raporti i inteligjencës, i cili është shënuar “Jo për publikim” dhe “Vetëm për përdorim zyrtar”, është i datës 16 qershor 2022.
Kjo, dy ditë pasi Shtëpia e Bardhë njoftoi zyrtarisht udhëtimin e presidentit amerikane Joe Biden në Lindjen e Mesme.
Biden zbarkoi në Izrael të mërkurën për pjesën e parë të udhëtimit, pas së cilës ai pritet të fluturojë për në Arabinë Saudite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Beteja të ashpra në Gaza, ndërsa forcat izraelite sulmojnë militantët e Hamasit
-
Indonezi/ Llava e ftohtë përfshin fshatrat pranë vullkanit, duke vrarë 37 persona
-
Kurti synon të gjejë gjuhë të përbashkët për agjendën legjislative – Krasniqi synon ta bindë për zgjedhje të reja parlamentare
-
Përtej shkarkimit të bujshëm të Shoigut, çfarë dihet për ristrukturimin e kabinetit të Putinit?
Lajmet kryesore
-
Rama i shpërfill akuzat e Belerit, i quan histori të politikës greke
-
Komisioni Hetimor për shëndetësinë në ngërç, do të marrë zgjidhje?
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
-
Raundi i 7-të për dinarin gjatë javës – rasti i fundit për zgjidhje apo vazhdimësi e krizës?