Amazon është përkulur ndaj presionit nga Emiratet e Bashkuara Arabe, duke kufizuar rezultatet e kërkimit për produkte të lidhura me LGBTQ+ si libra dhe flamuj me ngjyrë ylberi në faqen e saj të internetit në vend.
Kompania vendosi të kufizonte kërkimet pasi u kërcënua me penalitete nga qeveria e Emirateve të Bashkuara Arabe, sipas New York Times që raportoi për herë të parë historinë.
Lajmi vjen pasi qershori, i konsideruar si muaji i Krenarisë për të festuar njerëzit LGBTQ+ në mbarë botën, po përfundon.
Homoseksualiteti është i paligjshëm në Emiratet e Bashkuara Arabe, një nga 69 vendet në botë që kanë ligje që kriminalizojnë të qenit homoseksual.
“Si kompani, ne mbetemi të përkushtuar ndaj diversitetit, barazisë dhe përfshirjes dhe besojmë se të drejtat e njerëzve LGBTQ+ duhet të mbrohen”, tha një zëdhënës i Amazon për BBC.
Megjithatë, ata shtuan, me dyqanet e Amazon në të gjithë botën, “ne gjithashtu duhet t’i respektojmë ligjet dhe rregulloret lokale të vendeve në të cilat operojmë”.
Në fillim të këtij muaji, autoritetet në Arabinë Saudite konfiskuan lodra dhe veshje për fëmijë në ngjyrë ylberi, për të cilat ata pretenduan se inkurajojnë homoseksualitetin.
Arabia Saudite ka ndaluar gjithashtu filmat që përshkruajnë, apo që u referohen pakicave seksuale.
Në prill, mbretëria tha se i kishte kërkuar Disney-t të shkurtonte “referencat LGBTQ” nga filmi i Marvel-it “Doctor Strange in Multiverse of Madness”, por Disney refuzoi.
Animacioni i fundit i Disney, “Lightyear”, i cili përmban një puthje të të njëjtit seks, është ndaluar gjithashtu në Arabinë Saudite dhe në më shumë se një duzinë vende të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Ndihma në Gaza do të bëhet funksionale në “dy-tre javë”
-
Abdixhiku kërkon vota për politikanin gjerman në prag të zgjedhjeve evropiane
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it