Kohëve të fundit, në mediat sociale në qendër të vëmendjes ka qenë filmi i tretë i “Spider-Man”, përkatësisht titulli i tij, rreth të cilit kanë qarkulluar një mori aludimesh.
Por, e vërteta është zbuluar.
“Spider-Man: No Way Home” është emri zyrtar i filmit.
Këtë e kanë konfirmuar kompanitë bashkëpunuese të këtij filmi, Sony Pictures dhe Marvel Cinematic Universe.
Filmi do të bëhet pjesë e kinemave në muajin dhjetor, duke u shfaqur për publikun si dhuratë për krishtlindjet e këtij viti.
Përsëri, pjesë e tij do të jetë aktori anglez, Tom Holland, i cili ka luajtur edhe tek dy filmat e tjerë “Spider-Man: Homecoming” dhe “Spider-Man: Far From Home”.
Sipas Holland, ka gjasmë që kjo të jetë hera e fundit e tij si pjesë e “Spider-Man”.
Në një intervistë dhënë për Collider, ai është shprehur:
“Kontrata ime mbaron me “No Way Home”, por unë do të rikthehem përsëri nësë ata dëshirojnë, sepse e dashuroj këtë film, e dashuroj këtë rol. Isha me fat të isha pjesë e tij” thotë Holland, transmeton Albanian Post.
Përpos Holland, filmit do ti kthehet edhe regjisori Jon Watts, i cili drejtoi dy të parët.
Ndryshe, rreth titullit të supozuar të “Spider-Man” versione të ndryshme në rrjete sociale kanë postuar edhe anëtarët e kastit si; Holland, Zendaya dhe Jacob Batalon, të cilët prezantuan një seri titujsh të pasaktë si “Spider-Man: Home Slice” dhe “Spider-Man: Phone Home”.
17 dhjetori i vitit 2021 është data zyrtare e premierës së “Spider-Man: No Way Home”.
This, we can confirm. #SpiderManNoWayHome only in movie theaters this Christmas. pic.twitter.com/kCeI8Vgkdm
— Spider-Man: No Way Home (@SpiderManMovie) February 24, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë