Një mision i pashembullt prej 9 trilionë dollarësh po testohet nga bankat qendrore për të shpëtuar ekonominë botërore nga recesioni i saj prej koronavirusit.
Rritja e rendimenteve të bonove dhe bastet e inflacionit kërcënojnë aftësinë e tyre për të mbajtur poshtë kostot e huamarrjes.
Kryetari i Rezervës Federale, Jerome Powell, e quajti ecurinë e fundit të rendimenteve të bonove këtë javë si “një deklaratë besueshmërie” në perspektivën ekonomike. Homologët e tjerë janë më pak të sinqertë përsa kohë rikuperimet e tyre vonojnë ato të Sh.B.A-së.
Presidentja e Bankës Qendrore Evropiane Christine Lagarde tha të hënën se ajo dhe kolegët e saj po “monitorojnë nga afër” rendimentet e borxhit të qeverive.
Banka e Koresë paralajmëroi se do të ndërhyjë në treg nëse kostot e huamarrjes ngrihen. Banka qendrore e Australisë është detyruar të rifillojë blerjen e bonove për të zbatuar objektivin e saj të rendimentit.
Banka Rezervë e Zelandës së Re të Mërkurën premtoi një periudhë të zgjatur stimulimi ekonomik.
Për shkak se kostot e huamarrjes qeveritare përdoren si pikë referimi për çmimet e huave për bizneset dhe konsumatorët, çdo rritje e rendimenteve rrjedh drejt ekonomisë reale.
Në Japoni, ku investitorët po presin me nervozizëm rezultatin e rishikimit të politikës së bankës qendrore, rendimentet për obligacionet 10-vjeçare u rritën në 0.12%, niveli më i lartë që nga nëntori 2018.
Bloomberg Economics parashikon që bankat qendrore të Argjentinës, Brazilit dhe Nigerisë do të kthehen më agresivisht këtë vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hamasi ka pranuar armëpushimin
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Konjufca kundër Taravarit: Çdo votë për kandidaten e VMRO-së është votë antishqiptare