Kreshnik Ajazi, të enjten e 26 majit është skualifikuar nga gara për kreun e Prokurorisë së Tiranës.
Ishte Këshilli i Lartë i Prokurorisë, i cili me shumicë votash skualifikoi nga gara Ajazin. Kjo sepse ai kishte pengesa ligjore pasi është drejtues i Prokurorisë së Elbasanit me një mandat 3-vjeçar.
Kandidat i vetëm mbetet Arens Çela. Komisioni do të kryejë verifikimet ligjore.
Çela ka marrë edhe detyrën si kryeprokuror i përkohshëm pas shkarkimit të Elisabeta Imerajt më 27 prill.
Imeraj u shkarkua nga Kolegji i Posaçëm i Apelit, dhe gara për kreun e Prokurorisë u hap pas kësaj.
Pse u shkarkua Imeraj?
Drejtuesja e trupës gjykuese, Ina Rama, deklaroi se kryeprokurorja e Tiranës nuk justifikonte pasurinë.
“Për pasurinë 2 mijë e 500 metra katrorë tek ish-fusha aviacion, subjekti nuk ka burime të ligjshme. Po ashtu edhe për tokën arë të ndodhur në Mullet nuk ka burime. Për apartamentin e ndodhur në Tiranë prej 66 m2 dhe shtesë subjekti i rivlerësimit ka bërë deklarim të pasaktë”, tha ajo të mërkurën e 27 prillit.
Gjithashtu, sipas Ramës, për kreditë e marra në 2006-ën dhe në 2008-ën, subjekti i rivlerësimit dhe personi i lidhur kanë pasur pamjaftueshmëri për shlyerjen e tyre.
Sipas trupës gjykuese, Imeraj ka treguar sjellje jo profesionale, duke kontaktuar përfaqësues të Operacionit Ndërkombëtar të Monitorimit (ONM).
Seanca në KPA ndaj Imerajt nisi të martën e 12 prillit.
KPA-ja mori vendimin për rihapjen e hetimit, ku do të merreshin për bazë edhe provat e depozituara nga vetë Imeraj.
Gjatë seancës, KPA-ja rrëzoi edhe kërkesën e Imerajt për thirrjen e dëshmitarëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin për Gazën, Izraeli jo