Dy vjet pa këmbë personi në shkretëtirën e shkretuar artistike, e patën lënë boshe luginën e Coachella-s.
Por, shërimi – të paktën ai shpirtëror – është muzika.
Qindra mijëra të rinj, të reja, deri edhe te persona në moshë thuajse të thyer, u nisën drejt “Empire Polo Club” në Indio të California-s.
Në tri ditë radhazi, pa pushim, tri skena u mbushën me artistë nga më të larmishmit.
Tërheqja e Kanye West u duk se do të godiste ngjarjen e madhe muzikore, por nuk ndodhi ashtu.
Në transmetim të pandërprerë, e gjithë bota e dëshmoi se pandemia është mposhtur.
Të paktën, ajo shpirtërore po!
Ndër qindra artistë, tre (plus tre) kulmuan netët muzikore në Coachella.
Harry Styles e mbylli me plot stil natën e parë, të premten e 15 prillit.
Në të dytën, Billie Eilish i ngriti të gjithë në këmbë, gjatë të shtunës.
E treta, dëshmoi se bota e ka lënë pas dhimbjen shpirtërore artistike.
Në mbyllje të gjithë fundjavës së parë, ishin trio-ja suedeze, Swedish House Mafia, së bashku me yllin e muzikës pop, The Weeknd, ata të cilët i dhanë goditjen e madhe ngjarjes artistike.
Me kthime pas në kohë, me sy për nga e tashmja dhe me mendje për nga e ardhmja, në 90 minuta, dhjetëra-mijëra të pranishmit në Coachella dhe miliona në të gjithë botën e harruan se në çfarë epoke bota po jeton.
Ky event në fakt, pritet t’u hapë rrugë edhe shumë të tjerave.
Kushtet e COVID-19 janë përmirësuar në të gjithë botën në terma të gjerë dhe njerëzit, po e presin me padurim t’u kthehen stadiumeve për të ndjekur idhujt e tyre muzikorë.
Coachella gjithnjë ka caktuar trend dhe këtë herë – sërish – caktoi atë më të rëndësishmin të dy vjetëve të fundit.
Pandemia, në terma mjekësorë, është e pranishme ende mes nesh.
Pandeminë shpirtërore ndërkaq, Coachella e ka zhbërë dhe të njëjtën gjë, do ta bëjë një javë më pas…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Madonna thotë se “entuziazmi” i fëmijëve të saj e mbajti atë “në formë” gjatë turneut “Celebration”
-
Eminem publikon albumin e ri këtë verë – “The Death of Slim Shady“
-
Kim Petras anulon koncertet e kësaj vere për shkak të “disa çështjeve shëndetësore”
-
“Siguria ime u rrezikua disa herë”, zbulon Billie Eilish
Lajmet kryesore
-
Dokumentari i Rai-t, Meloni: Rama u linçua sepse ndihmoi Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë