Presidenti i Republikës së Shqipërisë, Ilir Meta, ishte i ftuar në një intervistë për gazetaren Beti Njuma në RTV Ora.
Presidenti nënvizoi që qeveria duhet të sigurojë vaksinat dhe se procesi i vaksinimit, duhet të jetë transparent.
“Qeveria jonë duhet të shikojë gjithmonë mundësinë e sigurimit të vaksinave, sepse kjo është kryesorja. Në këtë drejtim edhe transparenca është shumë e rëndësishme, edhe për ato vaksina që kanë ardhur”.
Ai u pyet gjithashtu nëse duhen marrë vaksina nga Rusia apo Kina.
Meta u përgjigj që kjo është çështje sigurie dhe një siguri e tillë ofrohet vetëm nga vendet e besueshme.
“Vaksinat mund të vijnë, por ato mund të kenë efekte të tjera, që mund t’i kushtojnë jetën qytetarit”.
“Siguria është e para dhe sigurisht sigurinë e vaksinës në radhë të parë e garantojnë institucionet evropiane dhe institucionet e vendeve shumë të besueshme si Shtetet e Bashkuara të Amerikës, Kanadaja dhe vende të tjera”, shtoi presidenti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel