Guvernatori i Virginia-s, Glenn Youngkin, bëri thirrje për “veprim vendimtar” që synon të mbështesë Ukrainën pas sulmit rus.
Youngkin njoftoi një rishikim të menjëhershëm të prokurimit të shtetit të të gjitha mallrave dhe shërbimeve që përfshijnë kompanitë ruse dhe bëri thirrje për t’i dhënë fund partneriteteve mbarëkombëtare të qyteteve simotra me Rusinë, sipas një deklarate të lëshuar nga zyra e tij të shtunën.
Guvernatori udhëzoi Departamentin e Shërbimeve të Përgjithshme të shtetit të rishikonte të gjitha kontratat për të përcaktuar nëse dollarët e taksave shtetërore po shpenzohen për mallra dhe shërbime nga kompanitë kryesisht ruse.
Guvernatori u bëri thirrje gjithashtu kryebashkiakëve të Norfolk dhe Roanoke që t’i japin fund partneritetit të tyre të qyteteve simotra me Kaliningradin dhe Pskovin, përkatësisht, dhe i kërkoi Sistemit të Pensioneve të Virginia-s dhe fondeve universitare që të heqin menjëherë pronat ruse.
“Pushtimi i Ukrainës nga diktatori sovjetik Vladimir Putin nuk mund të qëndrojë dhe njerëzit e Komonuelthit janë gati të mblidhen në kundërshtim me këtë sulm të pakuptimtë ndaj një kombi sovran dhe idealeve perëndimore”, tha Youngkin.
“Sot, ne po veprojmë për të treguar solidaritetin tonë me popullin ukrainas ndërsa ata mbrojnë vendin e tyre. Dhe ndërsa këta janë hapa të rëndësishëm, i takon Presidentit Joe Biden që të marrë një pozicion udhëheqës më të fortë dhe më vendimtar për t’i dhënë fund kësaj lufte”, e përmbylli ai.
Lexo zhvillimet e plota të ditës së tretë KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel