PSD me aksion brenda zyrave të ZRRE-së: Nuk dalim pa na treguar sa është rritur çmimi i rrymës
Pas vendimit për rritjen e çmimit të faturave të energjisë elektrike, anëtarët e Partisë Socialdemokrate kanë vendosur që të hënën të qëndrojë tek zyrat e Rregullatorit të Energjisë Elektrike.
Anëtarët e PSD-së e kanë ndalur energjinë elektrike në një pjesë të zyrës së ZRRE-së.
Kretari i Partisë Social Demokrate, Dardan Molliqaj ka kërkuar nga i pari i ZRRE-së Ymer Fejzullahu, që të tregojë se sa është përqindja të cilën e mbulon Qeveria e Kosovës në faturë nga 90 milionëshi i subvencionit që është paraparë.
Kreu i PSD-së, Dardan Molliqaj, është konfrontuar edhe me kryetarin e Bordit të ZRRE-së, Ymer Fejzullahu, teksa i ka kërkuar nga ky i fundit që ta publikojë vendimin e ZRRE-së për rritjen e çmimit të energjisë elektrike.
Molliqaj, ka shtuar se nuk do t’i lëshojnë zyrat deri në publikimin e këtij vendimi.
Anëtarët e PSD-së kanë drejtuar pyetje të njëpasnjëshme ndaj ZRRE-së lidhur me çmimet e faturave.
Ndërsa, kreu i PSD-së e ka quajtur mashtrues kryetarin e Bordit të ZRRE-së, Ymer Fejzullahun.
“Një vendim nuk hyn në fuqi deri sa të gjitha palët nuk informohen për përmbajtjen e vendimit. Sa është subvencionimi i Qeverisë, tregoni”, kanë qenë pyetjet e Molliqajt drejtuar Fejzullahut.
Ndryshe të martën e tetë shkurtit ZRRE me pesë vota për dhe asnjë kundër ka marrë vendimin për shtrenjtimin e tarifës së energjisë elektrike për konsumatorët që shpenzojnë më shumë se 800 kilovatë orë për një muaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Niger, trupa ruse hyjnë në bazën ku ndodheshin trupat amerikane
-
Shefi i OSBE-së: Kemi pasur rritje të dhunës ndaj gazetarëve në 12 muajt e fundit