Gjykata e Lartë ka rihapur zyrtarisht procedurën e aplikimit për anëtarë të Gjykatës Kushtetuese, në kuadër të plotësimit të një vendeve vakante në strukturën më të lartë gjyqësore në vend.
Periudha e aplikimit do të jetë i hapur deri në datën 10 shkurt.
Kjo është hera e katërt, kur Gjykata e Lartë ka hapur procedurën për tre vende vakante , që prej vitit 2017.
Në tre herët e para, kandidaturat kanë qenë të pamjaftueshme për të bërë një përzgjedhje.
Për këtë arsye, situata është bërë shkak për moszhvillimin e procedurave të mëtejshme nga Këshilli i Emërimeve në Drejtësi.
E njëjta situatë është krijuar edhe për 1 nga vendet vakante, të shpallur në thirrjen e katërt, në datë 03.06.2021, konkretisht për Vitore Tushën, mandati i së cilës ka përfunduar.
Mandati për të cilin aplikohet është nëntë-vjeçar dhe një sërë kriteresh duhet të plotësohen nga aplikantët.
Përvoja e kërkuar është jo më e ulët se 15 vjet në fushën e drejtësisë. Njohuritë në fushën kushtetuese janë kusht i pranimit, ashtu si edhe të qenit një figurë e pastër dhe e padënuar më parë me vendim të formës së prerë.
Me ardhjen e kandidaturave, lista do të bëhet publike, për të marrë opinione nga instanca të ndryshme mbi figurën e gjyqtarëve që duan të marrin mandatin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Netanyahu thotë se vendi i tij është i përgatitur të ‘qëndrojë i vetëm’
-
Kosova nën sanksionet e BE-së shënon Ditën e Evropës pa progres drejt integrimeve