E gjithë Shqipëria është përfshirë nga moti i keq prej orëve të para të mëngjesit, ku temperaturat kanë arritur vlera minimale deri në -17 gradë Celsius dhe problematika janë shfaqur në disa akse rrugore, për kalimin e mjeteve.
Një situatë jo e lehtë është edhe ajo në Rrugën e Kombit, ku kompania Albanian Highway Concession, konktraktore e mirëmbajtjes së segmentit, u ka bërë apel drejtuesve të mjeteve të bëjnë kujdes gjatë udhëtimit në këtë aks dhe të respektojnë sinjalistikën.
Dëbora, sipas njoftimit, është e pranishme në segmentin Fan-Kolsh, pjesë e autostradës Milot-Morinë. Gjithsesi, ajo aktualisht është e pastruar dhe pa probleme.
Por, duke parë situatën, një apel për drejtuesit e mjeteve nuk ka munguar.
Thirrja kryesore, është ajo e qarkullimit me shpejtësi të reduktuar. Po ashtu, edhe respektimi i sinjalistikës rrugore dhe kujdesit të shtuar për tabelat elektronike dhe mesazhet që ato përcjellin.
Lëvizja me goma dimërore ose me zinxhirë është e detyrueshme për çdo mjet.
Gjithashtu, një numër telefoni i linjës së gjelbër, është në gatishmëri për shoferët, të cilët hasin probleme.
Raportime për bllokim rrugësh ka pasur edhe në aksin Korçë-Pogradec, ku për mbi dy orë u krijuan radhë kilometrike për shkak të gjendjes së rënduar të rrugëve.
Me ndihmën e Policisë së Shtetit, lëvizja u lehtësua në aks, por trafiku mbeti i rënduar.
Po ashtu, edhe një pjesë e Rrugës së Arbërit, paraqiste rrezikshmëri të lartë për qarkullim. Kjo bëri që i gjithë aksi të mbyllej dhe të këshillojë kalimi në segmente të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”