Pikërisht kur presioni i bashkësisë ndërkombëtarë u shtua ndaj Qeverisë së Kosovës lidhur me lejimin e mbajtjes së referendumit të Serbisë në territorin e Kosovës për ndryshime kushtetuese serbe, kryeministri Albin Kurti ka publikuar për herën e dytë letrën që ia dërgoi Sekretari amerikan i Shtetit, Antony Blinken.
Ai ka shkruar se letra e Blinken ja vlen të rilexohet, meqë ka një përmbajtje të vlefshme.
“Në anglisht dhe të përkthyer në shqip e keni letrën të cilën e mora dje nga Sekretari Amerikan i Shtetit, z. Antony J. Blinken”.
“Është përmbajtjesore, e mirë dhe që vlen të rilexohet”, ka shkruar Kurti në rrjetin social Facebook.
Në letrën e Sekretarit amerikan drejtuar Kurtit thuhet se SHBA ofron mbështetjen e saj që dialogu Kosovë-Serbi të ketë në qendër njohjen reciproke.
Mirëpo, Blinken kërkoi respektimin e zotimeve paraprake të Kosovës duke mos harruar të përmend edhe “dy kompromise në planin afatshkurtër”, ku përfshiu një marrëveshje për energjinë në veri të Kosovës e çështjen e të pagjeturve.
Nga ana tjetër pikërisht të premten, ambasadorët e vendeve të QUINT-it dhe ai i Bashkimit Evropian (BE) shkuan në presidencën e Kosovës ku u takuan me Presidenten Vjosa Osmani, kryeministrin Kurti dhe krye parlamentarin Glauk Konjufca, ku ju kërkuan që të lejohet organizimi i referendumit të Serbisë brenda territorit të Kosovës.
Por krerët e shtetit kanë refuzuar, duke thënë se qytetarët serb mund të votojnë përmes postës ose në Zyrën ndërlidhëse të Serbisë në Kosovë.
Mirëpo, pas takimit, me vendet e QUINT-it, kryeministri Kurti i ka dërguar një letër zyrtare Kuvendit që të thërras një seancë të jashtëzakonshme për të shtunën e 15 janarit që të diskutohet mbi referendumin e Serbisë në Kosovë, ku synohet të nxirret një rezolutë për këtë çështje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një muaj paraburgim ndaj katër të dyshuarve për plagosjen në Podujevë
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Kievi mund të përdorë armë britanike brenda Rusisë, thotë Cameron
-
Aksident tragjik në Durrës – Vritet në vendngjarje çiklisti, shoferi arratiset
Lajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar