Në Nion të Zvicrës, pas hedhjes së shortit të raundit të 16-ve në Champions League është hedhur dhe ai i play-off në UEFA Europa League.
Janë 16 skuadra të përfshira në short: tetë nënkampionët e fazës së grupeve të UEFA Europa League dhe tetë skuadrat e renditura të treta nga faza e grupeve e UEFA Champions League.
Fituesit e tetë ndeshjeve të play-off kalojnë në raundin e të 16-ve të UEFA Europa League (të tetë fituesit e grupeve tashmë janë kualifikuar në këtë raund);.
Tetë humbësit e play-off-it nuk do të jenë më të përfshirë në garat evropiane 2021/22.
Shorti përcaktoi përballjet:
Sevilla – Dinamo Zagreb
Atalanta – Olympiacos
Leipzig – Real Sociedad
Barcelona – Napoli
Zenit – Real Betis
Borussia Dortmund – Rangers
Sheriff Tiraspol – Braga
Porto – Lazio
Çfarë ofroi shorteu?
Porto mundi Lazio-n në gjysmëfinalet e sezonit fitimtar të Kupës UEFA 2002/03, duke fituar 4-1 në ndeshjen e parë në shtëpi dhe një barazim pa gola në Romë.
Dortmund – Rangers. Rangers-i fitoi dy takimet e tyre të para me eliminim direkt me Dortmund-in, në raundin e dytë të European Cup Winners’ Cup 1966/96 (rezultati përgjithshëm 2-1).
Si dhe raundin e parë të Kupës UEFA 1982/83 (2-0 rez. përgjithshëm), skuadra skoceze fitoi 2-0 në shtëpi dhe barazoi 0-0 në Dortmund.
Skuadrat u ndeshën gjithashtu në fazën e grupeve të UEFA Champions League 1995/96, të dyja ndeshjet përfunduan në barazim 2-2.
Barcelona – Napoli. Barcelona mundi Napoli-n në raundin e 16-ve të UEFA Champions League 2019/20, pas barazimit 1-1 në Napoli dhe fitores 3-1 në “Camp Nou”.
Sevilla – Dinamo. Sevilla mundi dy herë Dinamon në fazën e grupeve të UEFA Champions League 2016/17.
Zenit – Real Betis, Sheriff – Braga, Leipzig – Real Socieadad, Atalanta – Olympiacos, janë çifte ku skuadrat takohen për herë të parë me njëra-tjetrën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë