“Nuk është zakon i joni, e as roli jonë, të komentojmë në skenarë të tillë me ‘nëse’”, ka thënë për Albanian Post, zëdhënësi i Bashkimit Evropian, Peter Stano, kur është ftuar të komentojë deklarimin e Glauk Konjufcës, se qeveria e Vetëvendosjes “nëse kushtëzohet nga BE-ja”, do ta largonte ambasadën e vetë nga Jerusalemi.
“Do ta rishqyrtonim”, ka thënë Konjufca, ish-ministër i Punëve të Jashtme, kur u pyet për këtë çështje në një emision televiziv në Kosovë.
Stano nuk ka dashur të komentojë më gjatë specifikisht për deklarimin e Konjufcës. Ai ka folur për qëndrimin e Unionit në parim.
“Pozicioni i BE-së për çështjen e Jerusalemit është shumë mirë i njohur dhe u shpreh së fundmi si reagim ndaj veprimit konkret – hapjes së përfaqësimit diplomatik të Kosovës në Jerusalem”, tha Stano.
Më gjatë për potencialitetin e largimit të ambasadës nga Jerusalemi në një qeveri të mundshme Kurti 2, ka folur kryetari i Bashkësisë Hebraike të Kosovës, Votim Demiri.
Ai ka bindjen se edhe po të ndodhte një gjë e tillë, raportet e Kosovës me Izraelin dhe Shtetet e Bashkuara të Amerikës nuk do të “prishen”.
“Asgjë nuk ndryshohet në raportet Kosovë-Izrael, ky raport ka vendosur themelin e vet dhe do të vazhdojë. Miqësia e Kosovës me Amerikën është shumë e fortë dhe asgjë nuk mund ta prishë”, potencoi Demiri.
Në fillim të këtij muaji është nënshkruar zyrtarisht lidhja e marrëdhënieve diplomatike në mes të Republikës së Kosovës dhe shtetit të Izraelit nëpërmjet një ceremonie virtuale.
Njohja nga Izraeli vije si pasojë e nënshkrimit të marrëveshjes së 4 shtatorit ne Zyrën Ovale në Shtëpinë e Bardhë. Izraeli është shteti 117 që ka njohur pavarësinë e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Spahoviç: Serbia ka armë por jo ushtri, shqiptarët vdesin për vendin e tyre
-
Moska tregon tanket e armikut: “Perëndimi na sfidon, ne fitojmë”
-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit
-
Osmani uron Pashkët ortodokse: Kjo festë le të sjellë paqe e harmoni mes njerëzve
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit