![](https://albanianpost.com/wp-content/uploads/2021/11/ilustrimm-.png)
Pas zgjedhjeve lokale të mbajtura në Kosovë më 14 tetor, kryetarët e komunave kanë filluar procesin për marrjen e detyrës së udhëheqjes së komunave në të cilat kanë dalur fitues.
Në një seancë solemne të mbajtur në Mitrovicë, ka dhënë betimin kryetari i ri i Komunës së Mitrovicës, Bedri Hamza, si dhe anëtarët e Kuvendit të Komunës të zgjedhur në zgjedhjet lokale që u mbajtën më 17 tetor.
Në fjalën e tij përshëndetëse, kretari Hamza ka shprehur falënderimin për qytetarët e Mitrovicës për besimin e dhënë dhe në këtë kontekst ka përsëritur zotimin për angazhim maksimal në krijimin dhe avancimin e jetës së qytetarëve në këtë komunë.
![](https://albanianpost.com/wp-content/uploads/2021/11/bedri-hamza-1.png)
Edhe në Lipjan, detyrën e ka marrë kryetari i ri Imri Ahmeti këtë e ka bërë të ditur vetë ai përmes një postimi në Facebook.
Ai ka thënë se Lipjani është “shtëpi e madhe”.
“Është synim i përhershëm i yni, prandaj do të vazhdojmë të kultivojmë lehtësirat e të bërit biznes duke krijuar mundësi dhe ambient për punë e jetë të qetë për të gjithë”, ka shkruar Ahmeti.
![](https://albanianpost.com/wp-content/uploads/2021/11/260469522_3061576537448059_6633765564053924377_n.jpg)
Po ashtu në komunën e Hanit të Elezit, Mehmet Ballazhi ka marrë detyren e kryetarit.
“Momente nga akti i pranim dorëzimit të detyrës Kryetar i Komunës së Hanit të Elezit ndërmjet z.Rufki Suma dhe Kryetarit të zgjedhur z.Mehmet Ballazhi”, thuhet në njoftimin e komunës së Hanit të Elezit.
Ndërkaq, bëhet e ditur se gjatë këtij njoftimi Suma e ka njoftuar Ballazhin me gjendjen aktuale të komunës së Hanit të Elezit.
“Me këtë rast z.Rufki Suma e njoftoi z.Ballazhin me gjendjen aktuale në komunën e Hanit të Elezit, projektet e realizuar si dhe projektet të cilat janë në vazhdimësi”.
![](https://albanianpost.com/wp-content/uploads/2021/11/259884520_1719320441611270_5571085564201203809_n.jpg)
Edhe më 25 nëntor, në komunën e Malishevës të enjten është bërë pranim-dorëzimi i detyrës së kryetarit në këtë komunë.
Ekrem Kastrati, kryetari i Komunës së Malishevës është pritur nga kryetari i deritashëm i kësaj komune Ragip Begaj.
Begaj është shprehur i lumtur që mund të ia dorëzoj detyrën kreytarit Kastratit.
“Jam i lumtur që ua dorëzojë detyrën juve dhe ju uroj shumë suksese në punë, uroj të keni rezultate, të punoni me urtësi e pa arrogancë, sepse kjo iu duhet qytetarëve”, ka thënë Begaj gjatë fjalimit përshëndetës me kryetarin e ri të cilit i dorëzojë një dosje me projektbuxhetin e komunës për vitin 2022.
![](https://albanianpost.com/wp-content/uploads/2021/11/image1-1-780x439-1-1.jpeg)
Komunat të cilat kanë shënuar fitore duke mos shkuar fare në balotazh janë Deçani, Mitrovica Jugore, Leposaviçi, Lipjani, Novebërda, Peja, Shtërpca, Suhareka, Ferizaj, Zubin Potoku, Zveçani, Hani i Elezit, Graçanica, Ranillugu, Parteshi, Mitrovica Veriore dhe Skenderaj. Që një kandidat të fitojë pa balotazh i duhen 50 për qind plus një votë.
Balotazhi në Kosovë është mbajtur më 14 nëntor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Robertson për Thaçin: Një person i ndërlikuar, por lider gjigand – ndoshta do të kthehet në skenë
-
Vdiq Sylë Tahirsylaj
-
Kurti në 100-vjetorin e zgjedhjes së Fan Nolit kryeministër: Një patriot që u përpoq ta orientonte drejt Shqipërinë
-
Osmani takon këshilltarët e Bidenit për çështje të sigurisë, flasin për rolin jetik të SHBA-së në ruajtjen e paqes