Disa anëtarë të organizatёs pro-demokratike të Hong Kongut, Aleanca Hong Kong janë arrestuar ditёn e mёrkurё.
Kjo pas akuzave se grupi i tyre punon si agjent i huaj.
Aleanca Hong Kong(AFP) është e njohur për organizimin çdo vit të ceremonisë qё përkujton viktimat e sulmit vdekjeprurës në Sheshin Tiananmen, në vitin 1989.
Tridhjetë vjet më parë, Sheshi Tiananmen i Pekinit u bë fokusi i protestave në shkallë të gjerë, të cilat u shtypën nga sundimtarët komunistë të Kinës.
Aktivisti i pro-demokracisë dhe avokati Chow Hang Tung ishte në mesin e të arrestuarve.
Arrestimet u bënë, sipas ligjit të sigurisë kombëtare, i cili ka një dënim maksimal me burgim të përjetshëm.
Njësia e sigurisë kombëtare të policisë Hong Kong kishte kërkuar më herët informacion nga aleanca, me të dhënat personale të të gjithë anëtarëve që nga themelimi i grupit dhe të dhënat financiare.
Megjithatë, anëtarët e aleancës dorëzuan një letër, në të cilën u shprehën se refuzojnë të bashkëpunojnë.
Të nesërmen në mëngjes, katër anëtarë të komitetit të përhershëm të aleancës u arrestuan në shtëpitë dhe zyrat e tyre.
“Ne mendojmë se ju nuk keni asnjë bazë ligjore për kërkesat tuaja, kështu thjesht do t’ju injorojmë”, u shpreh Chow, nënkryetare e aleancës, për AFP rrugës për në rajon.
Policia ka thënë se ata që nuk respektojnë kërkesën e tyre mund të përballen me deri në gjashtë muaj burg dhe një gjobë prej 100 mijё HK ose 12 mijё e 800 dollarë.
Chow, një avokate për të drejtat e njeriut, u arrestua në fillim të këtij viti dhe u akuzua për promovimin e tubimit të paautorizuar.
Më vonë u lirua me kusht.
Ajo duhej të përfaqësonte një politikan të opozitës të akuzuar sipas ligjit të sigurisë kombëtare në një seancë me kusht, por u arrestua në zyrën e saj para se të paraqitej në gjykatë.
Kina, kohët e fundit, vendosi një ligj të gjerë të sigurisë kombëtare në Hong Kong që kriminalizon shkëputjen, përmbysjen, terrorizmin dhe bashkëpunimin me forcat e huaja.
Kritikët thonë se ai synon të shtypë kundërshtimin, por autoritetet janë shprehur se qëllimi i tij është të ruajë stabilitetin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Me ardhjen e Qeverisë Kurti ndryshoi qasja e Kosovës ndaj dialogut për një marrëveshje përfundimtare, thotë Lajçak
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Rama konfirmon vizitën në Athinë më 12 maj
-
Pashkët Ortodokse sjellin fluks në pikat kufitare, dhjetëra mijëra kalime në 24 orë drejt Greqisë