Nënkryetari i Lidhjes Demokratike të Kosovës, Lutfi Haziri, ka thënë se LDK si subjekt politik dallon “si nata me ditë” nga partitë e tjera dhe se nuk do të përdorë “armët” e Lëvizjes Vetëvendosje “që të sillet” si kjo e fundit sa ishte në opozitë.
Haziri përmes një shkrimi në llogarinë e tij në Facebook, ka thënë se në opozitë LDK-ja po ndërtohet si parti lidere brenda Kuvendit të Kosovës.
“LDK nuk ka nevojë të sillet si VV- ja në opozitë. Nuk na duhet as vokacioni e as ‘armët’ e tyre. LDK-së nuk i duhet as sjellja e vokacioni i PDK-së e AAK-së. Në opozitë jemi duke u ndërtuar si parti lidere brenda Kuvendit të Republikës, e cila nuk është as me atë palë e as me këtë palë”, ka shkruar Haziri.
Ndërkohë, kryetari i këtij subjekti politik, Lumir Abdixhiku, gjatë të mërkurës së 28 korrikut pati diskutime përmbajtjesore me kandidatët për kryetarë Komunash dhe kryetarët e Degëve të LDK-së.
“Vullneti dhe vizioni për fitore dhe rikthimin e madh të LDK-së është pika që na bashkon, e na bën që t’i dëgjojmë të gjitha problemet ditore që kanë qytetarët tonë”, ka thënë Abidixhiku.
Sipas tij, LDK e ka potencialin intelektual dhe programor që t’i jap zgjidhje çdo sfide, çdo qyteti apo fshati ku jetojnë qytetarët e Kosovës.
“Padyshim që fitoren dhe rikthimin e madh të LDK-së e bën secili nga ne, me angazhimin tonë të përditshëm e të pandalshëm”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Alejandra Rodriguez konkurron për Miss Universe në moshën 60-vjeçare
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Ndihma në Gaza do të bëhet funksionale në “dy-tre javë”
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it