Ekipi Olimpik i xhudos nga Kosova, ka mësuar shortin e garave që nisin të shtunën në Lojërat Olimpike “Tokyo 2020”.
Të pesë xhudistët e Kosovës, të cilët janë me normë olimpike do të synojnë medalje në Tokio.
Xhudistët nga Kosova janë: Majlinda Kelmendi, Distria Krasniqi, Nora Gjakova, Loriana Kuka dhe Akil Gjakova.
Për shkak të masave anti-COVID, shortin e ka ndjekur vetëm trajneri Driton Kuka, i cili është optimist se garuesit e tij do të vazhdojnë tutje edhe pas raundit të parë.
“Shorti në Lojërat Olimpike e ka rëndësinë e vet, por jo të madhe. Për ekipin tonë shorti është një nismë e rrugëtimit. Në xhiron e parë realisht garuesit tanë duhet të ecin tutje, e pastaj të shohim”, deklaroi Kuka.
Numri një në renditjen olimpike, Distria Krasniqi, e cila garon të shtunën, ka kaluar raundin e parë pa luftë, pasi është bartësja e parë e kategorisë deri në 48 kilogramë.
Derisa në raundin e dytë do të përballet me fituesen e luftës mes brazilianes Gabriela Chibana dhe garueses nga Malavia, Harriet Bonface.
Kampionia olimpike, Majlinda Kelmendi do të garojë në raundin e parë më 25 korrik, ku do të takohet me hungarezen Reka Pupp, në kategorinë deri në 52 kilogram.
Medalistja e bronztë e botës, bartësja e tretë e kategorisë deri në 57 kilogramë, Nora Gjakova, raundin e parë e kalon pa luftë, ndërsa në të dytin, që zhvillohet më 26 korrik, e pret fituesen e luftës mes austriakes Sabina Filzmoser dhe holandezes Sanne Verhagen.
Pa luftë në raundin e parë ka kaluar edhe medalistja tjetër e bronztë e botës, Loriana Kuka, e cila do të ndeshet më 29 korrik, me fituesen e luftës mes xhudistes nga Kongo, Marie Branser dhe ruses Aleksandra Babintseva.
Ndërsa, kampioni i Evropës, Akil Gjakova, në raundin e parë do të përballet me xhudistin nga Jemeni, Ahmed Ayash më 26 korrik.
Para hedhjes së shortit, me nga një fjalë rasti janë drejtuar presidenti i Federatës Ndërkombëtare të Xhudos, si dhe drejtues tjerë të federatës dhe vendit mikpritës, ndërsa në prezantimin e kategorive, nuk kanë munguar pamje të xhudistëve kosovarë, të cilët janë vlerësuar lartë për potencialin që kanë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE