Me nga 12 vite burg janë dënuar Jovica Stanishiç dhe Franko Simatoviç nga Gjykatat e Kombeve të Bashkuara në Hagë. Të mërkurën është marrë vendimi për dy ish-shefat e shërbimit të sigurimit shtetëror të Serbisë, të cilët akuzohen për udhëheqjen e grupeve paraushtarake gjatë luftërave në ish-Jugosllavi, në vitet 1990.
Prokuroria provoi se krimet që ishin përfshirë në aktakuzë u konfirmuan. Vrasjet dhe transferimet me forcë u kryen me qëllim diskriminues, raporton aljazeerabalkans.
Grupet paraushtarake, të cilët udhëhiqeshin nga ta, kanë përfshirë njësitë elitare, të quajtura Beretat e Kuqe dhe Tigrat e Arkanit. Për këto dy njësi dyshohet se kanë vrarë qindra njerëz.
Mirëpo, pas protestave dhe apelit të prokurorëve, gjykatësit kanë urdhëruar në vitin 2015 rigjykim të rastit kundër tyre, i cili ka nisur në vitin 2017.
Stanishiç dhe Simatoviç u arrestuan në vitin 2003 pas akuzave nga Gjykata e Hagës, e cila i akuzoi ata për vrasje, abuzim, persekutim dhe krime të tjera të kryera në Bosnjë-Hercegovinë nga viti 1991 deri në 1995.
Të dy kanë qenë bashkëpunëtorë të ngushtë të ish-presidentit serb, Sllobodan Millosheviç, i cili ka luftuar në Slloveni, Kroaci, Bosnje e Hercegovinë dhe Kosovë.
Millosheviç është gjykuar, po ashtu, në Hagë, por ka vdekur përpara se t’i shqiptohej dënimi, në vitin 2006.
Më 8 qershor, ish-komandanti serb i Bosnjes, Ratko Mlladiç, është dënuar me burgim të përjetshëm nga Tribunali i Hagës për gjenocid, krime lufte, krime kundër njerëzimit, dhe kundër popullatës jo serbe në luftën e Bosnjës.
Ai ka humbur apelin e bërë kundër dënimit të vitit 2017 për gjenocid dhe krime kundër njerëzimit.
Gjykata ka mbajtur vendimin me burgim të përjetshëm për rolin e tij në vrasjen e rreth tetë mijë burrave dhe djemve boshnjakë në Srebrenicë në vitin 1995.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit