Të mërkurën e 16 qershorit, shtetet anëtare të Bashkimit Evropian (BE) u dakordësuan për të hequr kufizimet e udhëtimit për tetë shtete. Mes tyre gjenden edhe tre shtete nga Ballkani Perëndimor: Shqipëria, Serbia dhe Maqedonia e Veriut.
Këshilli i BE-së në maj hoqi zyrtarisht kufizimet për shtetasit e vendeve të treta, të cilat janë vaksinuar me dy dozat kundër COVID-19.
Pavarësisht se ky vendim prekte dhe vendet e Ballkanit Perëndimor, fjala e fundit u takonte vendeve pritëse nëse i lejonin këta udhëtarë të kalonin apo jo.
Muajin e fundit, Shqipëria, Serbia dhe Maqedonia e Veriut kanë parë ulje të ndjeshme të numrit të rasteve pozitive me COVID-19.
Gjatë 24 orëve të fundit, Shqipëria ka pasur tetë raste, Serbia 124 dhe Maqedonia e Veriut 29 raste.
Sa i përket imunizimit të popullsisë me të dyja dozat e vaksinave, në Shqipëri numërohen mbi 330 mijë qytetarë, Serbi rreth 2.3 milionë e popullsisë dhe Maqedoni e Veriut mbi 187 mijë.
Përveç tre vendeve të Ballkanit Perëndimor, në listë janë edhe Shtetet e Bashkuara, Hong Kongu, Makao, Arabia Saudite dhe Tajvani.
Pavarësisht vendimit, disa prej shteteve anëtare mund të kërkojnë test negativ për COVID-19, ose respektimin e një periudhe karantinimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet