Federata e Futbollit të Kosovës nëpërmjet faqes zyrtare, ka bërë të ditur se ka ndërruar dy rivalët për ndeshjet miqësore të muajit qershor.
FFK bënë të ditur se ndeshja miqësore me Kazakistanin, e paraparë të zhvillohet më 4 qershor në stadiumin “Fadil Vokrri” në Prishtinë, është anuluar për shkak se qeveria e Kazakistanit nuk e ka lejuar kombëtaren e këtij vendi të udhëtojë në Kosovë.
Andaj, në këtë datë, Kosova do të zhvillojë një miqësore kundër Maltës në Austri.
Ndërkohë, miqësorja tjetër e paraparë për t’u zhvilluar në Antalia më 8 qershor kundër Komorosit, do të zëvendësohet me Guinenë, pasi Komorosi për shkak të restrikcioneve për hyrje në Turqi si pasojë e Covid-19, e ka të pamundur të udhëtojë në këtë datë në Antalia.
Ndërsa, kujtojmë që Dardanët gjatë muajit qershor do t’i zhvillojnë katër ndeshje miqësore.
Fillimisht më 1 qershor Kosova do të përballet me San Marinon në “Fadil Vokrri”, e më pas do të udhëtojnë në Austri për t’u përballur me Maltën.
Pas Austrisë, Dardanët do të udhëtojnë në Antalia për të zhvilluar edhe dy ndeshjet e tjera, me Guinenë më 8 qershor, pastaj tre ditë më vonë do të luajnë me Gambinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE