Rreth 65 anije peshkimi nga 230 në total do të bëhen pjesë e projektit të financimeve të Bashkimit Evropian (IPA), për investime në bordin e anijeve të peshkimit.
41 prej tyre ndodhen në portin e Durrësit, 20 në atë të Vlorës dhe 4 në Shëngjin.
Projekti i Bashkimit Evropian mbështet prej disa vitesh zhvillimin e sektorit të peshkimit në vendin tonë.
Fituesit e projektit IPA do të mbështeten me fonde deri në masën 50 përqind për investime në bordin e anijeve të peshkimit, për ndërrimin e motorëve, blerjen e pajisjeve elektronike dhe të ndërtimit të frigoriferëve.
Gjithashtu, për periudhën 2014-2020, IPA ka caktuar një fond prej 639.5 milionë euro për Shqipërinë për zhvillimin e sektorëve të ndryshëm të ekonomisë.
Nga ana tjetër, Ministrja e Bujqesisë dhe Zhvillimit Rural, Milva Ekonomi, gjatë seancës plenare ditën e hënë, i’u bëri thirrje të rinjve të drejtohen drejt sektorit të peshkimit.
Sipas saj, ky sektor është tepër vital dhe i rëndësishëm.
“Ky është një sektor i mirëpaguar, dhe tregu ka nevojë për një personel të kualifikuar në peshkim”, ka deklaruar ndër të tjera Ekonomi gjatë seancës plenare ditën e hënë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
