Rrugëtimi i Tenisit në “Tokyo 2020” u mbyll me finalen mes gjermanit Alexander Zverev dhe rusit Karen Khachanov.
Zverev, i cili në rrugën e tij për në finale e mposhti favoritin Novak Djokovic, ishte shumë i fortë edhe në finale.
Në vetëm një orë e 21 minuta, ai e mbylli ndeshjen duke siguruar medaljen e artë.
Zverev fitoi 2-0 me sete, (6-3, 6-1).
Për të kjo është hera e parë që fiton medalje të artë.
Khachanov nga Komiteti Olimpik Rus e merr medaljen e argjendtë.
Kurse, i treti në podium, me medaljen e bronztë, u ngjit spanjolli Pablo Carreno-Busta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com