Pesë persona janë arrestuar në lidhje me zjarrin që përfshiu institucionin e të moshuarve në Britaninë e Madhe. Besohet që zjarri është vënë qëllimisht.
Kujtojmë se zjarri shpërtheu të premten e 29 janarit në kazermën e Napierit. Objekti është një ish-kompleks ushtarak, i cili tani strehon azilkërkuesit. Ai ka qenë qendër grindjeje midis Sekretares së Brendshme Priti Patel dhe organizatave bamirëse të refugjatëve, të cilat kanë bërë thirrje për mbylljen e objektit.
Organizatat bamirëse kanë pohuar se rreth 400 azilkërkues në objekt kanë jetuar në kushte të këqija, në konvikte të mbipopulluara. Shpërthimi i fundit i Covid-19 ka infektuar të paktën 120 persona në këtë qendër.
Policia ka deklaruar se hetimet mbi incidentin po vazhdojnë dhe besojnë që zjarri të jetë vënë qëllimisht.
“Dëmtimi dhe shkatërrimi i kazermave Napier nuk është vetëm i tmerrshëm, por edhe fyes për taksapaguesit”, shkroi Patel në median sociale “Twitter”. Ajo shtoi se në atë vend janë akomoduar ushtarët dhe personeli i ushtrisë së vendit.
“Është fyerje të thuash se nuk është vend i mirë për këta individë”, theksoi ajo.
Komentet e Patel-it tërhoqën disa kritika. Clare Mosley, themeluesja e një organizate bamirëse tha se Sekretarja e Brendshme Britanike, nge akuza tronditëse dhe shqetësuese, kur nuk dihet ende shkaku i incidentit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet