Një zjarr i madh ka përfshirë të martën e 2 shkurtit qytetin e Perth-it, në Australinë Perëndimore.
Zjarri ka shkrumbuar të paktën 30 shtëpi. Ai është përhapur nga erërat e forta, të cilat gjatë natës janë dyfishuar.
Autoritetet i kanë këshilluar qytetarët të largohen nga shtëpitë e tyre, edhe pse vendi është në izolim për shkak të Covid-19.
Kryeministri i Australisë, Mark McGowan, e ka cilësuar situatën shqetësuese dhe serioze.
“Tani për tani vendi po lufton me dy lloje të ndryshme të emergjencave. E para ka të bëjë me emergjencën e rrezikshme të shkaktuar nga prezenca e zjarreve dhe tjetra nga situata e Covid-19 në vend”, ka deklaruar McGowan.
Ai u kërkoi banorëve të qytetit, të cilët nuk janë të prekur nga zjarri, të qëndrojnë në shtëpi për të mos përhapur më shumë virusin. Kyeministri shtoi se 250 zjarrfikës janë duke u përballur me flakët e zjarrit dhe erën e fortë.
Bëjmë me dije se Australia ka hyrë në një bllokim të parakohshëm pesë ditor që nga dita e dielë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet
