Zinku ka dobi të shumta shëndetësore dhe tani mund t’iu ndihmojë në ngjizje, thotë një studim i kryer nga Husam Abu-Soud nga Universiteti Shtetëror i Wayne.
Sipas studiuesve, përfshirë Husam Abu-Soud nga Universiteti Shtetëror Wayne në SHBA, plotësimi i zinkut deri në maksimum prej 50 mg në ditë për të gjithë të rriturit mund të jetë gjithashtu i dobishëm në rritjen e imunitetit dhe luftimin e procesit të sëmundjes virale të Covid-19.
Për këtë studim, të botuar në revistën “Shkencat Riprodhuese”, studiuesit shqyrtuan patofiziologjinë e Covid-19, veçanërisht në lidhje me funksionin riprodhues.
Ata zbuluan se zvogëlimi i nivele të zinkut në lidhje me stuhinë e citokinës – reagimi i tepërt i sistemit të imunitetit që shkakton inflamacion, dëmtim të indeve dhe dështim të mundshëm të organeve në luftimin e Covid-19 – mund të shkaktojë dëmtime mitokondriale dhe një akumulim të specieve reaktive të oksigjenit në vezën e papjekur dhe spermatozoidet.
Rezultati mund të parandalojë riprodhimin dhe ngjizjen, thanë studiuesit, shkruan Albanian Post.
“Zinku ka efekte të dobishme si një agjent anti-oksidant dhe anti-inflamator dhe mund të parandalojë ose zbutë dëmtimin në qelizat e vezës dhe spermës që vijnë nga reagimi imunitar i trupit ndaj virusit”, tha Abu-Soud.
“Përdorimi i zinkut mund të përmirësojë cilësinë e embrionit dhe potencialisht të zvogëlojë disa ndërlikime të shtatzënisë”, shtoi ai.
Ndonëse, vetëm zinku mund të jetë i pamjaftueshëm për të përmirësuar procesin nëse qelizave oksiduese janë dëmtuar në masë të madhe, thonë studiuesit.
Sidoqoftë, nëse plotësimi me zink administrohet tek të infektuarit me Covid-19 para fazës së stuhisë së citokinës, zinku mund të ndihmojë në përmirësimin e sëmundjes në faza të lehta dhe të hershme duke shtypur replikimin viral dhe duke parandaluar dëmtimin e qelizave si një pro-antioksidant, shtuan ata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kris Jenner zbulon se ishte diagnostikuar me tumor vitin e kaluar
-
Ekspertët të shqetësuar për variantin e ri KP.2 të COVID në SHBA
-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Selena Gomez reflekton mbi shëndetin mendor, rëndësinë e tij dhe tejkalimin e sfidave