Pas fitores së Ukrainës ndaj Rusisë, presidenti ukrainas Volodymyr Zelensky para së gjithash planifikon të vizitojë Krimenë “e çliruar”.
Lajmi u bë i ditur gjatë një interviste për televizionin çek të publikuar nga kanali YouTube i Zyrës së Presidentit të Ukrainës.
“Unë do të shkoj në Krime. Unë me të vërtetë dua të shoh detin”, theksoi fillimisht ai.
I pyetur nga gazetari se kur do të ndodhë kjo, Zelensky u përgjigj “jo në dimër”.
“Çfarë të bëjmë në det në dimër? Do të shkoj kur të jetë më ngrohtë”, tha kreu i shtetit.
Zelensky u pyet gjithashtu nëse pret që Ukraina të fitojë verën e ardhshme.
“Do të doja. Ne do të kemi fitoren tonë”, u përgjigj presidenti.
Kreu i Drejtorisë kryesore të Inteligjencës të Ministrisë së Mbrojtjes, Kyrylo Budanov, është i bindur se “fitore të rëndësishme” e presin Ukrainën deri në fund të vitit.
Në shtator, në transmetimin e teletonit kombëtar, Budanov tha se “shumë shpejt” Ukraina do të kthehet në Krimenë e pushtuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet