Zelensky, mirënjohës ndaj Shqipërisë për rezolutën në Këshillin e Sigurimit

Presidenti i Ukrainës, Volodymyr Zelensky, ka falënderuar Shqipërinë dhe 10 vende të tjera anëtare të Këshillit të Sigurimit, për mbështetjen e një rezolute të prezantuar pikërisht nga delegacioni shqiptar dhe ai amerikan, si bashkëpenëmbajtëse të kauzës ukrainase në OKB.

“I jam mirënjohës të gjitha shteteve, të cilat e votuan rezolutën, për të ndaluar sulmin e pabesë rus në Ukrainë”, shkruan Zelensky në Twitter.

Grateful to all members of the UN Security Council 🇦🇱 🇧🇷 🇫🇷 🇬🇦 🇬🇭 🇮🇪 🇰🇪 🇲🇽 🇳🇴 🇬🇧 🇺🇸 who voted to stop 🇷🇺 treacherous attack on 🇺🇦 & 🇺🇳 Charter. The veto of 🇷🇺 is a bloodstain on its plaque in the Security Council, the map of Europe & 🌎. Anti-war coalition must act immediately!

— Володимир Зеленський (@ZelenskyyUa) February 25, 2022

Për më tepër, ai shton se vetoja Ruse, e cila e rrëzoi rezolutën, është e përlyer me gjak në pllakadën e saj në Këshillin e Sigurimit dhe është një njollë gjaku në hartën evropiane.

“Koalicioni kundër luftës duhet të veprojë menjëherë”, ka përmbyllur presidenti ukrainas, duke i bërë sërish thirrje Perëndimit, për të vepruar mbi aktet e Moskës me sanksione të ashpra dhe masa konkrete ushtarake.

Përtej vetos së Rusisë, drafti i propozuar u cilësua si i suksesshëm, pasi u arrit që Kina dhe India, të mos e votonin kundër, por të ishin abstenues ndaj saj. Ndërkohë, edhe Emiratet e Bashkuara Arabe, u shprehën abstenim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.