Presidenti kinez Xi Jinping i tha homologut të tij amerikan Joe Biden të premten se çështja e Tajvanit duhet të trajtohet “siç duhet”.
Kjo, për të shmangur një ndikim negativ në marrëdhëniet kino-amerikane, sipas mediave vendase.
Tajvani është çështja më e ndjeshme dhe më e rëndësishme në marrëdhëniet e Kinës me Shtetet e Bashkuara.
Washingtoni zyrtar po kërkon ndihmën e Pekin-it për rivendosjen e paqes në Ukrainë, pas pushtimit rus.
Autoritetet amerikane nuk kanë lidhje zyrtare diplomatike me Taipein, por është mbështetësi dhe furnizuesi më i rëndësishëm ndërkombëtar i Tajvanit me armë.
“Disa individë në Shtetet e Bashkuara po u dërgojnë sinjale të gabuara forcave pro-pavarësisë në Tajvan dhe kjo është shumë e rrezikshme”, i tha Xi-Bidenit në video-telefonatën e tyre.
Udhëheqësi kinez theksoi se nëse çështja e Tajvanit nuk trajtohet siç duhet, “ajo do të ketë një ndikim armiqësor në marrëdhëniet midis dy vendeve”.
Kina lundroi më herët aeroplanmbajtësen e saj Shandong përmes ngushticës së Tajvan-it.
Kjo, sipas një burimi me njohuri të drejtpërdrejta për këtë çështje citoi agjencia “Reuters”.
Incidenti u regjistrua vetëm disa orë përpara se presidentët të bisedonin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Mes refugjatëve të uritur nga lufta në Darfur, ku po përplasen edhe Rusia me Ukrainën
-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit
