Kameramani i televizionit amerikan “Fox News”, Pierre Zakrzewski është vrarë teksa raportonte jashtë Kievit. Kështu ka deklaruar CEO e “Fox News”, Suzanne Scott.
Zakrzewski u vra dhe kolegu i tij, Benjamin Hall, u plagos kur automjeti i tyre u godit nga zjarri në hyrje dje në Horenka, rreth 20 km në veriperëndim të kryeqytetit.
“Pierre ishte një fotograf i zonës së luftës që mbuloi pothuajse çdo histori ndërkombëtare për ‘Fox News’ nga Iraku në Afganistan e deri në Siri gjatë qëndrimit të tij të gjatë me ne”, tha ajo. “Pasioni dhe talenti i tij si gazetar ishin të pakrahasueshëm”.
Hall, një korrespondent britanik 39-vjeçar, është ende duke u trajtuar në spital pas incidentit.
Ajo pason vdekjen e Brent Renaud, një regjisor amerikan, të dielën.
Ish-kolegët e Zakrzewski-t i kanë bërë homazhe atij në median sociale Twitter.
I don’t know what to say. Pierre was as good as they come. Selfless. Brave. Passionate. I’m so sorry this happened to you. pic.twitter.com/IvxlPWGDAl
— Trey Yingst (@TreyYingst) March 15, 2022
Kjo është dita e 20-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.
Sipas OKB-së, mbi 2.7 milionë njerëz janë larguar nga Ukraina dhe numri i ushtarëve rusë të vrarë nuk dihet ende – mendohet mbi 11 mijë.
Ndërsa rreth 2 mijë e 500 civilë janë vrarë vetëm në Mariupol nga bombardimet ruse – mes tyre edhe fëmijë.
Për të ndjekur zhvillimet e fundit të luftimeve Ukrainë-Rusi kliko KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku