Votimi me kusht është i mundshëm vetëm brenda komunës ku personi është i regjistruar si votues ka thënë zëdhënësi i Komisionit Qendror Zgjedhor (KQZ), Valmir Elezi.
Elezi ka dhënë edhe sqarime të tjera rreth votimit me kusht, për zgjedhjet lokale që do të mbahen të dielën e 17 tetorit në Kosovë.
“Është e nevojshme të sqarojmë se votimi me kusht është i mundur për një votues vetëm brenda komunës ku ai është i regjistruar si votues. Votimi me kusht nuk është i mundur nga njëra komunë në tjetrën. Pra, votuesi i një komune nuk mund të votojë në komunën tjetër”.
Rrjedhimisht sipas Elezit, kjo i bije që votimi me kusht nuk është i mundshëm nga një komunë në tjetrën.
Zëdhënësi i KQZ-së gjithashtu ka thënë se zgjedhjet lokale dallojnë nga ato nacionale.
“Për dallim nga Zgjedhjet për Kuvend në të cilat e gjithë Republika e Kosovës është një zonë zgjedhore, në Zgjedhjet Lokale çdo komunë është një zonë e veçantë zgjedhore dhe në vendvotimet e asaj zone ka fletëvotime vetëm të asaj komune”, ka shkruar ai në rrjetin e tij social Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
