Ukraina rimerr municionet shqiptare në zonat e rifituara

Prej javësh Ukraina ka nisur një kundërofensivë ndaj Rusisë në territoret e uzurpuara në lindje dhe jug të vendit, ku thuajse 7 mijë kilometra katrorë janë rifituar nga Kievi, veçanërisht në zonën e Donetskut.

Me çlirimin e zonave dhe përzënien e ushtarëve rusë (rreth 6 mijë syresh), Ukraina ka rimarrë jo vetëm kontrollin e qëndrave të rëndësishme si Lyman-i në Donetsk, por ka vënë duart edhe mbi municionet ushtarake, të cilat për shkak të mësymjes, mbetën në duart e rusëve.

Prej këtyre të fundit, janë edhe disa bomba të prodhimit kinez, 60mm, të cilat në fillim u besuan se Kina ia kishte furnizuar Rusisë, si ndihmë në përpjekjen e Kremlinit për të vijuar agresionin ndaj Ukrainës.

Mirëpo, më pas, është bërë me dije se këto municione kineze, mund të jenë ndihmat që Shqipëria i ka dhënë ukrainasve.

These 60mm mortar rounds (a calibre Russia doesn't use) are believed to have been supplied to Ukraine by Albania. Russia is known to have captured a number of boxes, which Ukraine now has recaptured back.

''PLA munitions'' ''China has picked a side'' Hold on cowboy. pic.twitter.com/gxrP7NWVPH

— Oryx (@oryxspioenkop) October 7, 2022

Fakti se Tirana zyrtare e ka bërë këtë akt, është i pamohueshëm, pasi e ka konfirmuar vetë ministrja për Evropën dhe Punët e Jashtme, Olta Xhaçka, e cila më 23 gusht deklaroi se vendi ka qenë ndër të parët, që i ka dërguar municione Ukrainës.

Dyshimet se pikërisht këto bomba mund të jenë donacion i Shqipërisë, është për faktin se ato janë modele të vjetra të vitit 1975, kohë kur Shqipëria kishte ende raporte të mira nën diktaturën komuniste me regjimin e Kinës.

Në sajë të bashkëpunimit mes vendeve, pjesë e ndihmave që vinte nga Kina ishin edhe pakot ushtarake, në të cilat kishte bomba të këtij kalibri.

Një prej faqeve më të mëdha të gjurimimit të armëve në Ukrainë gjithashtu, Ukraine Weapon Tracker, e cila numëron mbi 700 mijë ndjekës në median sociale Twitter, shkruan se është e bindur se këto resurse ushtarake janë dërguar nga Shqipëria.

E njëjta gjë ndodhi edhe një muaj më parë, kur Ukraina rimori disa territore nga rusët.

With high confidence we state these bombs came to Ukraine from Albania, which has a long history of military cooperation with China and uses large quantities of Chinese weapons. In March of this year Albania announced military aid but never unveiled precisely what was donated.

— 🇺🇦 Ukraine Weapons Tracker (@UAWeapons) September 17, 2022

Kjo, për të hequr edhe dyshimet se ka qenë Kina, ajo e cila mund të ketë ndihmuar rusët me municione, duke zgjedhur të mbrojë Moskën në konflikt.

Pavarësisht kësaj, lajmi mbetet i pavërtetuar në rrugë zyrtare, nëse Shqipëria i ka furnizuar vërtetë apo jo predhat kineze.

Ajo çfarë dihet me siguri, është fakti se Ushtria ukrainase, tashmë po i përdor sërish, duke arritur madje të transformojë mënyrën e lëshimit të tyre, me përdorimin e dronëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.