Administrata Trump ka vendosur kompaninë kineze Xiaomi në listën e zezë të kompanive që kërcënojnë sigurinë kombëtare të SHBA-së.
Departamenti i Mbrojtjes i SHBA-së identifikoi Xiaomi-n si një nga nëntë kompanitë me lidhje të pretenduara me ushtrinë kineze.
Financat e kompanisë elektronike kineze, e themeluar në 2010 kanë pësuar goditje pas këtij vendimi.
Lei Jun, shefi ekzekutiv i cili bashkë-themeloi Xiaomi-n, pësoi një humbj prej gati tre miliardë dollarësh.
Lin Bin, nënkryetari i kompanisë, pësoi humbje prej 1.5 miliardë dollarësh së bashku me pesë prej aksionerëve kryesorë të kompanisë.
Aksionet e Xiaomi-t pësuan rënie me 10%. Kjo situatë vjen në një moment ku SHBA-ja po godet kompanitë e mëdha kineze të sektorit të teknologjisë.
Xiaomi po kalonte një periudhë me fitime të larta në tregje. Kompania me bazë në Pekin tejkaloi shitjet e smartphone-ve të kompanisë Apple në tremujorin e tretë.
Xiaomi mori gjithashtu konsumatorë nga kompania Huawei, e cila u dëmtua nga sanksionet e SHBA-së.
Aksionet e Xiaomi-t u mbyllën në shifra rekord javën e kaluar.
Në dhjetor, vlera e tregut e firmës tejkaloi shifrën prej 100 miliardë dollarësh.
Sulmi i fundit nga administrata e Trump i ktheu aksionet e kompanisë përsëri nën nivelin e arritur së fundmi.
Lëvizja befasoi investitorët sepse sanksionet e mëparshme përqendroheshin në kompanitë kineze me lidhje ushtarake dhe vlerë strategjike për rritjen e industrisë së teknologjisë.
Xiaomi ndërkohë ka deklaruar se nuk është në pronësi apo e kontrolluar nga shteti kinez për synime ushtarake dhe strategjike.
Lei, i cili zotëron më shumë se një të katërtën e Xiaomi-t, tani vlen 28.2 miliardë dollarë, nga 33.2 miliardë dollarë kur aksionet arritën kulmin javën e kaluar.
Ai e filloi vitin si manjati i katërt më i pasur i teknologjisë në Kinë, menjëherë pas Jack Ma-s, pasuria e të cilit ka humbur rreth dhjetë miliardë dollarë.
Financat e Jack Ma-së dhe kompanisë së tij pësuan goditje në fund të tetorit pas vendimeve për hetime nga qeveria kineze.
Kina e ka quajtur qëndrimin agresiv të administratës Trump si një kërcënim. Qeveria kineze këtë muaj vendosi rregulla të reja për të mbrojtur firmat e saj nga ligjet e huaja “të pajustifikuara”./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka dakordësim për thirrjen e dëshmitarëve në Komisionin Hetimor për sistemin TIMS
-
Skandalet nuk arrijnë të rrëzojnë AfD-në e Gjermanisë nga kursi, përpara testeve elektorale
-
Rasti “Subvencionet V”, të akuzuarit dënohen me 6 vjet burgim
-
Dy viktima në punë në Shëngjin, pezullohen punimet në dy subjekte
Lajmet kryesore
-
Ka dakordësim për thirrjen e dëshmitarëve në Komisionin Hetimor për sistemin TIMS
-
Bardhi kërkon ndryshimin e datës për deklarimin në SPAK, lidhur me dosjen ‘Xibraka’
-
Skandalet nuk arrijnë të rrëzojnë AfD-në e Gjermanisë nga kursi, përpara testeve elektorale
-
BE-ja fton Bislimin e Petkoviçin të mërkurën në Bruksel