Tristan Thompson ndihmon Drake të martohet me 23 gra në videoklipin “Falling Back”

Tristan Thompson është shfaqur në videoklipin e fundit të Drake, ku shihet duke ndihmuar reperin të martohet me 23 gra në këngën e tij “Falling Back”.

Basketbollisti është përkrahë Drake-ut në videon nëntë minutëshe, e cila u publikua të premten si pjesë e albumit të shtatë të fituesit të Grammy, “Honestly, Nevermind”.

Videoja fillon më 31 vjeçarin Thompson, i cili pyet “a je gati?”.

Drake i përgjigjet duke i thënë, “jam mirë, vëlla. Është kohë e mirë për mua. Unë jam gati të rehatohem. Jam i dashuruar”.

Thompson ndihmon Drake të rregullojë papionin dhe mjekrën e tij, duke thënë se ai është “i lumtur” për të.

Pjesa tjetër e videos muzikore me temë poligaminë dokumenton martesën e Drake me një varg të gjatë modelesh në Instagram me fustane të bardhë. Ai i jep secilës prej nuseve nga një unazë, duke bërë shtrëngime duarsh sekrete me disa prej tyre në altar.

Publikimi i videos muzikore – dhe shfaqja e lojtarit të Chicago Bulls – vjen një ditë pas skandalit të mashtrimit të Thompson në dhjetor të vitit 2021 në shfaqjen televizive “The Kardashians”.

Khloe Kardashian i quajti veprimet e të dashurit të saj “të neveritshme” në episodin e së enjtes, pasi zbuloi se ai lindi një fëmijë me modelen e fitnesit Maralee Nichols.

Ndërsa Thompson ende nuk ka adresuar historinë aktuale të shfaqjes, ai i kërkoi falje Khloe-it në janar pasi konfirmoi atësinë e tij.

“Ti nuk e meriton dhimbjen dhe poshtërimin që të kam shkaktuar”, i tha ai ish-it të tij në atë kohë. “Ju nuk e meritoni mënyrën se si ju kam trajtuar gjatë viteve”.

Ylli i NBA më parë e tradhtoi bashkëthemeluesen e “Good American” në vitin 2018, ndërsa ajo ishte shtatzënë me vajzën e tyre tani 4-vjeçare, True, dhe përsëri në vitin 2019 me shoqen më të mirë të Kylie Jenner, Jordyn Woods.

Ai është gjithashtu baba i djalit 5-vjeçar Prince me Jordan Craig.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.