Milan-i mposhti Cagliari-n në udhëtim me rezultat minimal 1:0 në ndeshjen e vlefshme të javës së 30-të në Serie A.
Realisht, ndeshja mund të kishte përfunduar me një rezultat më të thellë, duke pasur parasysh rastet e shumta të pashfrytëzuara nga kuqezinjtë.
Në fund të ndeshjes i erdhi radha edhe e portierit të Milan-it, Mike Maignan që të bëjë punën e tij, i cili bëri një ndërhyrje vendimtare për ta shpëtuar skuadrën e tij.
Pas përfundimit të ndeshjes, tifozët vendas hodhën gjësende në drejtim të portierit francez dhe ky i fundit vuri duart në vesh i drejtuar kah ultrasit e Cagliar-it.
Maignan së bashku me mbrojtësin Fikayo Tomori-n u bënë pastaj pjesë e thirrjeve raciste nga ana e tifozerisë vendase.
Tomori i sinjalizoi arbitrit se kishte qenë viktimë e thirrjeve raciste, më pas kishte një trazirë me protagonistë Joao Pedro-n dhe Zlatan Ibrahimovic-in.
N.W.A ✊🏾🖤 pic.twitter.com/Q9sGH9sQE7
— Mike Maignan (@mmseize) March 19, 2022
Dhe, disa orë më vonë, portieri Maignan iu përgjigj në një farë mënyre tifozëve që bërën thirrje raciste ndaj tij, duke postuar një fotografi me majmun në profilin e tij në rrjetet sociale.
Thirrjet raciste janë shpeshtuar nga tifozeritë në Itali, andaj sipas asaj që raportojnë mediat italiane, pritet të merren masa ndaj tifozëve të Cagliar-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com