Texas/Programi i Obama-s për migrantët e dëbuar shpallet i paligjshëm

Në Texas, një gjykatës federal ka vendosur se programi që mbron migrantët, të cilët kanë shkuar prej deportimit drejt Shteteve të Bashkuara të Amerikës që fëmijë, është i paligjshëm.

Agjencia e lajmeve “BBC”, tregon se gjykatësi Andrew Hanen ka thënë se aplikantët e rinj nuk duhet të regjistrohen në programin Daca dhe se vendimi nuk kërkon që qeveria të dëbojë ndonjë marrës të tij.

Aktualisht, janë afro 650 mijë njerëz të regjistruar në program.

Nga ana tjetër, presidenti Joe Biden ka urdhëruar administratën e tij për të forcuar iniciativën. Edhe vitin e kaluar, Gjykata e Lartë e SHBA-së bllokoi një ofertë nga ish presidenti Donald Trump për t’i dhënë fund Daca-s.

Lidhur me vendimin e së premtes së 16 korrikut, gjykatësi Hanen ra dakord me një grup shtetesh që kishin ngritur një proces gjyqësor, duke argumentuar se programi ishte krijuar në mënyrë të paligjshme nga ish presidenti Barack Obama në vitin 2012.

Texas dhe tetë shtete të tjera konservatore kanë thënë se Obama kishte vepruar pa autorizimin e duhur të Kongresit.

Për sa i përket, përfituesve të programit Daca, ata janë të mbrojtur nga dëbimi, u është dhënë autorizim për punë, mund të kenë patentë shoferi dhe të aplikojnë për ndihmë financiare të arsimimit.

Kjo është hera e dytë që një gjykatë federale në Texas i jep goditje agjendës së imigracionit të presidentit Biden.

Në muajin janar, një gjykatës bllokoi përpjekjen e presidentit demokrat për të vendosur një moratorium 100-ditor mbi dëbimet.

Bob Menendez, senatori demokrat i SHBA-së nga New Jersey, ka shkruar në platformën Twitter se ishte koha që partia e Biden-it, e cila komandon shumicën në Capitol Hill, të veprojë.

“Kongresi duhet të shfrytëzojë momentin dhe të gjitha mundësitë për të siguruar përfundimisht një rrugë drejt legalizimit për miliona emigrantë të padokumentuar”, është shprehur ai.

Tanimë, presidenti amerikan ka propozuar legjislacion që do të siguronte një rrugë drejt shtetësisë amerikane për afro 11 milionë emigrantë të padokumentuar, të cilët jetojnë në SHBA.

Ndërsa agjencia tjetër e lajmeve, Politico, ka shkruar se demokratët planifikojnë të krijojnë një mënyrë për nënshtetësinë për ta dhe grupet e tjera të padokumentuara në një faturë të ardhshme të shpenzimeve prej 3.5 trilionësh dollarë.

Sidoqoftë, BBC shkruan se është e paqartë nëse dispozitat e imigracionit mund të zbatohen nga rregullat e rrepta të Senatit.

Kjo goditje ligjore për Daca-n vjen në ditën kur numri i migrantëve që mbërrijnë në kufirin jug-perëndimor ka thyer një tjetër rekord.

Zyrtarët e kufirit kanë kapur atje 188 mijë e 829 herë migrantë në muajin qershor, çka përbën edhe numrin më të madh të një muaji të vetëm në më shumë se dy dekada.

Dhe në to përfshiheshin mbi 15 mijë fëmijë që po udhëtonin vetëm. Kështu kanë bërë me dije Doganat e SHBA-së dhe Mbrojtja e Kufirit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.