Drejtoria e Përgjithshme e Policisë së Shtetit ka vijuar me ekzaminimin e punonjësve të Policisë së Shtetit, të cilët gjatë karrierës dyshohen për përdorimin e lëndëve narkotike.
Lëvizja ka ardhur në kuadër të masave parandaluese për përdorimin e lëndëve narkotike nga punonjësit e Policisë së Shtetit, si dhe me qëllim rritjen e standardeve dhe integritetit personal të tyre.
Deri tani janë ekzaminuar 1 mijë e 736 punonjës policie, kryesisht nga sektorë dhe mosha me risk, nga të cilët 45 kanë rezultuar të dyshuar pozitivë.
Për këtë kategori po kryhen hetime administrative nga Drejtoria e Standardeve Profesionale.
Sakaq, nga policia është përjashtuar një punonjës policie, duke analizuar edhe rrethanat e tjera që vërtetojnë shkeljen e rëndë disiplinore.
Për kategorinë e të dyshuarve pozitivë, në vijim të hetimit administrativ mësohet se do të zhvillohet një test i dytë, për t’u siguruar nëse janë përdorues të lëndëve narkotike.
Policia e Shtetit ka bërë me dije se mbetet e angazhuar dhe e vendosur për të luftuar krimin, në veçanti krimin e organizuar, duke krijuar një ambient sa më të sigurt për qytetarët, si dhe për të larguar nga radhët e saj çdo punonjës policie që abuzon me detyrën dhe me ligjin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ilir Meta është presidenti i Partisë së Lirisë
-
Ndërtimi i TEC-it në Roskovec, Balla: Investim strategjik, zero risk për mjedisin
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte
