Vetëm çështje kohe është zyrtarizimi i Fabio Paratici-it si drejtor teknik i londinezëve të Tottenham.
Por, deri sa zyrtarizimi të ndodhë, Fabio Paratici po mendon për lëvizjet e para.
Ish-drejtori teknik i Juventus-it, sytë i ka kthyer pikërisht te ish-klubi i tij.
Por, para se të mendojë për futbollistët, Paratici duhet të mendojë për trajnerin që do të zëvendësojë të shkarkuarin Mourinho.
Në listë për Tottenham janë Eric ten Hag, aktualisht te Ajax-i, dhe Conte, që për momentin është i pa punë.
Sa i përket futbollistëv, ëndrra e tij kryesore është Paulo Dybala.
Por, me kthimin e Allegri-t në stolin bardhezi, ky transferim mund të konsiderohet i pamundur që tani.
Lojtarët tjerë që Paratici kërkon t’i marë me vete nga Juventus-i, janë Bonucci dhe Kulusevski.
Bonucci shihet si zgjidhja perfekte për aspektin afatshkurtër.
Ndërkohë, Kulusevski, shihet si një opsion i mrekullueshëm për të ardhmen.
Edhe pse këtij të fundit, Allegri dëshiron t’i japë edhe një mundësi, gjithçka mund të ndryshojë me emërimin e Paratici-t.
Italiani duhet të mendojë edhe për një sulmues të klasit botëror, për të zëvendësuar Kane-in që me shumë mundësi do të largohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
