Pas fitores në ndeshjen kundër Torino-s, e cila ishte e teta për Napoli-n në po aq ndeshje të Serie A-së, trajneri Luciano Spalletti ka gjetur kohën që të thurë lavde për kapitenin e Kosovës, Amir Rrahmani.
Rrahmani ishte përsëri titullar në këtë ndeshje, dhe tani duket se mbrojtësi i Kombëtares së Kosovës e ka blinduar pozitën e tij aty.
Kapiteni i Kosovës ia ka zënë vendin e titullarit grekut Kostas Manolas, që erdhi para dy viteve nga Roma.
Trajneri Spalletti, tha që Rrahmani këtë vend të titullarit e ka “fituar me plotë meritë”.
“Është një futbollist me nivel të lartëq”, shprehet ai.
“Amiri është një mbrojtës i kompletuar, është e vështirë të gjesh një anë të dobët të tij”.
“Ai është shumë i mirë në pozicionim, i përgatitur fizikisht, ka ndikim në lojë dhe gjithmonë është i disponueshëm për lojë”.
Rrahmani këtë edicion është aktivizuar gjashtë herë me Napoli-n, ndryshe nga çfarë kemi parë deri tani, ai ka qenë aktiv edhe në sulm duke e gjetur rrugën e rrjetës dy herë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com