Prokuroria e Posaçme kundër Korrupsionit (SPAK) ka nisur hetimin për përdorimin e të dhënave personale të qytetarëve, për qëllime fushate. Të dhënat janë marrë nga portali shtetëror e-Albania.
Lajmi u bë i ditur nga vetë drejtuesi i SPAK-ut, Arben Kraja. Ai, gjithashtu shtoi se vjedhja e të dhënave personale nuk është kompetencë e SPAK. Por, duke konsideruar që jemi në prag zgjedhjesh, problemi merr rëndësi tjetër.
“Nisur nga rëndësia e problemit dhe faza e zgjedhjeve ku ndodhemi e kemi vlerësuar të bëjmë verifikimet”.
Një ditë më parë ish-deputeti i Partisë Demokratike (PD), Enkelejd Alibeaj, akuzoi të dielën Partinë Socialiste (PS) për përdorimin e të dhënave personale të qytetarëve nga portali e-Albania. Alibeaj shton se në selinë e PS ka kompjuterë dhe serverë që përgjojnë dhe përdorin të dhënat e qytetarëve.
“Në mënyrë të paprecedentë, në Selinë e PS janë vendosur kompjuterë dhe serverë që përgjojnë dhe përdorin të dhënat personale të qytetarëve nga portali e-Albania”.
Sipas ish-deputetit, përdorimi i të dhënave personale nga kryeministri Edi Rama dhe zyrtarë të PS-së përbën vepër penale. Gjithashtu ai ka njoftuar se PD po përgatit një padi që do ta dorëzojë në SPAK.
“Përdorimi i databazës së e-Albania nga Edi Rama dhe zyrtarë të PS-së përbën vepër penale. Për këtë PD po përgatit një padi që do ta dorëzojë në SPAK”.
Në database ishin të dhënat e 910 mijë qytetarëve, të cilat tregonin numrin e tyre të kartës së identitetit dhe numrin e telefonit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve
