Si rrallë herë, Zayn Malik komenton relacionin me vajzën e tij

Këngëtari, Zayn Malik si rrallë herë ka komentuar mbi atësinë e tij, derisa ka theksuar se përpiqet të jetë një shembull i mirë për vajzën e tij, Khai.

Këto komente ai i ka bërë në një episod të podkastit “Call her daddy”, teksa ka shtuar se fokusi kryesor mbetet pikërisht vajza e tij.

“Meqenëse kam vajzën time, gjëja kryesore në mendjen time është të përpiqem të jem një shembull i mirë për të”, tha Malik, i cili ndan vajzën, Khai, 2 vjeç me modelen Gigi Hadid.

“Kjo është arsyeja pse po e bëj këtë intervistë, e dini? Dikur kisha shumë ankth për të pasur një bisedë si kjo. Dhe unë dua që ajo të jetë në gjendje të më shikojë dhe të thotë: ‘jo, babai im po e bën këtë’”, tha ai duke folur me prezantuesin Alex Cooper për intervistën e tij të parë në gjashtë vjet.

Ylli i hitit “Pillowtalk”, 30 vjeç, më pas pranoi se pikëpamja e tij për jetën ka ndryshuar që kur mirëpriti Khai me Hadid, 28 vjeç, në shtator të vitit 2020.

“Ka një moment të caktuar në jetën e të rriturve ku gjithçka është e paqartë, gri dhe e mërzitshme dhe ajo e ka ndryshuar atë ngjyrë për mua me siguri”, ka shtuar ai.

Këngëtari i hitit “Better” dhe Hadid u takuan për herë të parë në vitin 2015 në një festë të “Victoria Secret” dhe kishin qëndruar në lidhje për afro 6 vjet.

Gjatë kohës së tyre të ndarë, Hadid ishte i lidhur në mënyrë romantike me Lewis Hamilton dhe alumin “Bachelorette”, Tyler Cameron.

Ata u rikthyen  përsëri së bashku në vitin 2020, dyshja mirëpritën Khai në shtator të atij viti. Sidoqoftë, deri në tetor 2021, ata zyrtarisht u ndanë pas një sherri që përfshiu nënën e Gigi, Yolanda Hadid.

Në atë kohë, nëna e modeles, pretendoi se Malik e kishte shtyrë atë. Por, pavarësisht se Malik e mohoi akuzën dhe ai u dënua me gati një vit shërbim prove dhe programe të menaxhimit të dhunës në familje dhe zemërimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.