Një familje nga Gjeorgja është në zi për humbjen e djalit të tyre 11-vjeçar, Devonne David, i njohur si Devonne DJ David, i cili vdiq natën e “Halloween-it” pasi u përplas nga një makinë, ndërkohë që ishte një yll në ngritje në rrjetin social të Tik-Tokut.
Policia e vendit, tha se Devonne po qëndronte në trotuar me fëmijët e tjerë vetëm pak çaste para përplasjes, e cila ndodhi kur ai doli në rrugë për të kaluar në pjesën tjetër.
#BreakingNews Atlanta police have released the age of the boy killed while trick-or-treating on Memorial Dr. Police say the boy is 11-years-old and do not anticipate any charges against the driver. @cbs46 #halloween2021 #Halloween
Details: https://t.co/Q7neAId8yi pic.twitter.com/a4AuMPZopV— Jamie S Kennedy (@Jamie_S_Kennedy) November 1, 2021
“Në vendngjarje oficerët zbuluan se një mashkull 11-vjeçar ishte goditur. Nga hetimet paraprake u konstatua se këmbësori kishte qëndruar në trotuar me disa fëmijë të tjerë, duke festuar Halloween”, thuhet në një deklaratë nga Departamenti i Policisë së Atlantës.
“Këmbësori doli në rrugë për të kaluar në ‘Memorial Dr’, ku edhe u godit nga një automjet. Shoferi qëndroi në vendngjarje dhe këmbësori u dërgua në spital ku u shpall i vdekur. Nuk parashikohen akuza në këtë aksident”, thuhej tutje në deklaratë.
Ndërkohë, ndjekësit e Devonne DJ David janë shprehur të pikëlluar për ndarjen nga jeta të yllit të TikTokut, i cili me videot e tij kishte arritur të krijonte një audiencë të gjerë.
Po ashtu, një fushatë e “GoFundMe” ka filluar të mbledh fonde për të ndihmuar familjen e tij dhe ka mbledhur mbi 6 mijë dollarë që nga nata e së hënës.
“Më 31 tetor, familja jonë pësoi një tragjedi të tmerrshme, duke shkurtuar jetën e Devonne Malique David”, thuhet në një përshkrim në faqen e shkruar nga tezja e Devonne.
“Po mbledh fonde për vdekjen e papritur të djalit të motrës sime. Ne vlerësojmë çdo kontribut, me çdo fond të mbetur që shkon në një llogari për nënën e tij”, shtoi ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Petrit Halilaj, ylli që po shkëlqen në arenën artistike ndërkombëtare, sipas The New York Times
-
Airbnb lançon shtëpitë e reja “Icons”, të ngritura lart në qiell që ofrojnë eksperienca të veçanta
-
Udhët e diellit: Midis botës së artit dhe jetëve njerëzore
-
“Dress for charity” – art dhe mode per bamirësi
