Një shtetas Italian është përfshirë në një aksident të ndodhur në fshatin Verdovë të Pogradecit.
Mësohet se në automjetin e tij ndodheshin 12 klandestinë të huaj dhe se ngjarja ka ndodhur mbrëmjen e djeshme.
Referuar burimeve nga policia, shtetasi italian ka tentuar të largohet nga vendngjarja për t’iu shmangur policisë, por banorët e zonës nuk e kanë lejuar.
Sakaq, nga aksidenti janë shënuar vetëm dëme materiale.
Por policia do të punojë për zbardhjen dhe dokumentimin e ngjarjes për të dyja rastet, ndërsa klandestinët dhe shoferi janë shoqëruar në komisariat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
