Nga sot hyjnë në fuqi masat e reja anti-COVID në Shqipëri, në një kohë që rastet e reja me coronavirus janë në rritje.
Vetëm të martën e 31 gushtit, nga Ministria e Shëndetësisë u njoftua se kishte mbi një mijë të infektuar.
Nisur nga panorama e situatës së krijuar nga prania e variantit Delta, më 30 gusht Komiteti Teknik i Ekspertëve zhvilloi mbledhjen mbi situatën epidemiologjike, duke ndërmarrë disa masa.
Nga sot, ora policore do të jetë 6:00- 23:00.
Pas pesë ditësh, më 6 shtator, qytetarët, të cilët duan të hyjnë në Republikën e Shqipërisë, duhet të plotësojnë një nga tre kushtet e vendosura nga Komiteti i Ekspertëve: të paraqesin pasaportën e vaksinimit, të kenë testin PCR negativ, ose një provë që kanë kaluar COVID-19.
Po ashtu, për qytetarët rezidentë në Shqipëri, nëse nuk i zotërojnë këto dokumente, duhet të izolohen për 10 ditë.
“Vaksinim i detyruar për disa kategori”
Zëvendësministrja e Shëndetësisë dhe drejtuesja e Komitetit Teknik, Mira Rakacolli, bëri me dije edhe skemën e re të vaksinimit të detyruar për disa kategori.
Nga ana tjetër, në fjalën e saj, ministrja e Shëndetësisë, Ogerta Manastirliu, u shpreh se virusi nuk njeh kufi.
Sipas saj, vala e re e COVID-19 ka mbërritur më herët sesa vjeshta. Ajo ka theksuar se numri i të shtruarve është më i ulët se rajoni, por ende mbeten shifra shqetësuese.
“Shifrat e ditëve të fundit nga Kosova dhe Maqedonia e Veriut janë alarmante”, u shpreh ministrja Manastirliu.
Mes moshave të reja, ka “forma të rënda të sëmundjes”, është fakti tjetër i dhënë nga ministrja.
Ajo ka bërë thirrje për vaksinim, pasi rreziku po rritet dita-ditës.
Fushata e vaksinimit
Ndonëse ekspertët vlerësojnë se Shqipëria ndodhet në një situatë më të kontrolluar në lidhje me vendet e rajonit, kjo ka të bëjë me fushatën e vaksinimit.
Ministrja ka shpjeguar se realizimi i vaksinës nuk duhet të jetë një vendim personal, pasi vendosen në rrezik mijëra jetë.
Një ditë më parë janë regjistruar pozitivë mbi 1 mijë vetë.
Varianti Delta është shkaktari kryesor i kësaj rritjeje. Kjo, pasi ai është shumë më lehtësisht i përhapshëm dhe infektues.
Rritje është parë edhe në shtrimin e pacientëve në spitale në javët e fundit. Gjithsesi, shifrat janë sërish më optimiste se e njëjta periudhë gjatë vitit të shkuar.
Kapacitetet e spitalit COVID 1 janë të mjaftueshme momentalisht në përballimin e situatës së të shtruarve.
Pavijonet e spitalit infektiv po punojnë me kapacitet të plotë për të përballuar rastet e shtrimeve, përfshi ato në terapi intensive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”